ՆՇԱՆՎԱԾՆԵՐԻ ԱՂՈԹՔ. «ԻՄ ՍՐՏՈՒՄ, ՏԵՐ ... »

 

 

 

 

 

 

 

 

 

Իմ սրտում, Տեր Աստված իմ,
սեր է բորբոքվել մեկի նկատմամբ,
ում Դու նույնպես ճանաչում ես ու սիրում։

Շնորհակալություն եմ հայտնում Քեզ այս պարգևի համար,
որն հոգիս պարուրում է վառ ուրախությամբ,
ինձ դարձնում է Քո նման, Քո, որ Սերն ես,
և ինձ ըմբռնել է տալիս կյանքի արժեքը, որ պարգևել ես ինձ։

Օգնիր ինձ չվատնել այս անծայրածիր հարստությունը,
որով լիացրեցիր իմ սիրտը.
միշտ հիշեցրու ինձ, որ սերը պարգև է
և չի կարող խառնվել եսապաշտության հետ.
որ սերը մաքուր և ջինջ է
և չի կարող համատեղվել ստորությունների հետ.
որ սերն արգասավոր է
և այսօրվանից իսկ պետք է մի նոր կյանք արթնացնի
ինձնում և ինձ ընտրածի հոգում։

Աղերսում եմ Քեզ նրա համար,
որ սպասում է ինձ և իմ մասին մտածում,
որ իմ մեջ է տեսնում իր ամբողջ ապագան։
Մեկս մյուսիս արժանի դարձրու։
Պատրաստիր մեզ ամուսնության, նրա վեհությանը,
նրա պատասխանատվություններին,
որպեսզի մեր հոգիներն ու մեր սրտերը
այժմվանից արդեն միացած լինեն միևնույն սիրո մեջ։

Ամեն։