Հեղինակի խօսք



Հայր Յոզեֆ-Մարի Վերլինդ

Ինչպե՞ս դառնալ սուրբ։ Թողնելով, որ Աստված ի կատար ածի մեզնում սիրո Իր ծրագիրը։



Սուրբ Օգոստինոս (354-430)

Միակ մի Որդի ունենալով, Աստված Նրան մարդու որդի դարձրեց, և նույն կերպ ընդհակառակն՝ մարդու որդուն դարձրեց Աստծո որդի։ Փնտրիր այս ամենի արժանիքը, պատճառը, արդարությունը, և տե՛ս, թե երբևէ ա՛յլ բան կգտնե՞ս, քան միայն ու միայն շնորհը։



Գուստավ Թիբոն (1903-2001)

Կիսով չափ արված զոհը սակավ արժեք ունի։ Նույնիսկ եթե նվիրաբերած լինեինք տիեզերքի բոլոր գանձերը, բայց պահած լինեինք միայն մի լումա, մեր զոհն ունայն կլիներ։ Այդ վերջին լումայով է, որ գնվում է Աստված։



Երանելի Պողոս Վեցերորդ Պապ (1897-1978)

Ո՜վ Հիսուս, հոգիների աստվածային Հովիվ, որ կանչեցիր Առաքյալներին՝ նրանց մարդկանց որսորդներ դարձնելու համար, տակավին դեպի Քեզ քաշիր երիտասարդների բոցավառ ու վեհանձն հոգիները, նրանց Քո հետևորդները և Քո պաշտոնյաները դարձնելու համար. նրանց մասնակից դարձրու տիեզերական փրկության Քո ծարավին, որից մղված՝ ամեն օր նորոգում ես Քո զոհաբերումը։ Դու, ո՜վ Տեր, միշտ կենդանի ես՝ միջնորդելու համար մեզ ի նպաստ, նրանց առաջ անմնացորդ բացիր ողջ աշխարհի հորիզոնները, որտեղ բազմաթիվ եղբայրներ համր աղերսում են՝ խնդրելով Ճշմարտության լույսն ու Սիրո ջերմությունը, որպեսզի համապատասխանելով Քո հրավերին՝ այստեղ երկրի վրա շարունակեն Քո առաքելությունը, կառուցեն ու կերտեն Քո խորհրդական Մարմինը, որ Եկեղեցին է, և լինեն երկրի աղն ու աշխարհի լույսը։



Անհայտ Հեղինակ

Ամենաերջանիկ մարդիկ անհրաժեշտորեն նրանք չեն, ովքեր ամեն ինչի լավագույնն ունեն, այլ՝ նրանք, ովքեր ամեն ինչ կարողանում են լավագույն կերպով գործածել։



Սբ. Ամբրոսիոս Միլանցի (339/340-397)

Ո՜վ մարդ, դու չէիր համարձակվում հայացքդ դեպի երկինք բարձրացնել, աչքերդ դեպի երկիր էիր ուղղում, և, հանկարծակի, ստացար Քրիստոսի շնորհը. թողություն ստացար քո բոլոր մեղքերին։ Վատ ծառայից դարձար լավ զավակ։ [...] Բարձրացրո՛ւ, ուրեմն, աչքերդ դեպի Հայրը, [...] ով փրկեց քեզ Որդու միջոցով, և ասա՛. «Հայր մեր [...] »։



Սուրբ Բեռնարդոս (1090-1153)

Շատ ավելի հեշտ է դարձի բերել բազում տարիներ մեղքի մեջ ապրած մեկին, քան թե կյանքի ուղղությունը փոխել տալ սխալ հավատացյալին։



Անանուն Հեղինակ

Եսապաշտություն սերմանելով՝ հնձվում է հուսահատություն։



Անանուն Հեղինակ

Երիտասարդների ու ոչ-երիտասարդների բազմաթիվ ճգնաժամերն ու բազմաթիվ հուսախաբությունները չեն բուժվում կրկնապատկելով կերակուրը, որ չի տևում, այլ՝ տալով ուրիշ կերակուր. այն, որ տևում է հավիտենական կյանքի համար։



Օգյուսթ Վալենսեն

Չափազանց հասարակ ու ճղճիմ բան է ուրիշների առաջ ցուցադրվել ցանկանալը։ Ես կամենում եմ ունենալ իմ գաղտնի պարտեզը, ուր կարող եմ ժամադրություն տալ Սիրույն։ Կամենում եմ մի սրբություն, որ մնա իմ ու Քո միջև, Աստված իմ, որին հասնել հնարավոր է միմիայն որդիական վերաբերմունքով։



Սբ. Հովհաննես Քսաներեքերորդ Պապ (1881-1963)

Ամեն գնով պետք է հավատարիմ լինեմ ստանձնածս առաջադրանքին. կամենում եմ բարի լինել, միշտ բարի, բոլորի նկատմամբ բարի։



Սբ. Ամբրոսիոս Միլանցի (339/340-397)

Եկեղեցին ոսկին ունի ո՛չ թե պահելու, այլ՝ բաժանելու համար։



Սբ. Յոզեմարիա Էսքրիվա Դե Բալագեր («Օպուս Դեյ»ի Հիմնադիր, 1902-1975), «Ճանապարհ» գրքից

Ղեկավարնե՜ր ... : Առնականացրո՛ւ կամքդ, որպեսզի Աստված քեզ ղեկավար դարձնի: Չե՞ս տեսնում, թե ինչպես են գործում անիծյալ գաղտնի կազմակերպությունները: Նրանք երբեք չեն նվաճել մարդկանց զանգվածներին: – Իրենց հավաքատեղիներում նրանք կազմավորում են մի քանի մարդադևերի, որոնք գործի են լծվում և գրգռում են զանգվածներին, նրանց խենթացնելով, իրենց ետևից քաշելու համար դեպի ամեն տեսակ անկարգությունների անդունդը ... և դեպի դժոխք: – Նրանք անիծյալ սերմեր են տարածում: Եթե դու կամենաս ... , կսերմանես Աստծո հազա՜ր ու հազա՜ր անգամ օրհնյալ խոսքը, որը չի կարող նվազել կամ տկարանալ: Եթե վեհանձն լինես ... , եթե համապատասխանես անձիդ սրբությամբ, կկարողանաս ուրիշներին ևս սրբացնել. ահա՛ Քրիստոսի թագավորությունը. ամեն ոք Պետրոսի հետ, դեպի Հիսուսը, Մարիամի միջնորդությամբ:



Գերարդ Հույգե

Հպարտությանը մեռնելու համար հարկավոր է մտովին ապրել ուրիշների ոտքերից վար։ Սա՛ է Եկեղեցում իշխանություն կիրառելու միակ ձևը։



Անհայտ Հեղինակ

Աստված բռնատեր չէ, որ հարկեր է պահանջում, կամ մանավանդ թե՝ զոհեր. Աստված մեր Հայրն է, որ սիրում է մեզ գորովալի սիրով և ուրախանում է բարության յուրաքանչյուր արարքի համար, որով մենք, որպես մարդ, վեհանում ու ազնվանում ենք։