Հեղինակի խօսք



Սբ. Գրիգոր Նազիանզացի

Երէկ խաչուած էի Քրիստոսի հետ, այսօր Իր հետ փառաւորուած եմ: Երէկ մեռած էի Իր հետ, այսօր մասնակից եմ դարձուել Իր յարութեանը: Երէկ թաղուած էի Իր հետ, այսօր Իր հետ արթնանում եմ մահուան քնից:



Չարլզ-Լուի Մոնթէսքիո

Ի՜նչ տարօրինակ է. քրիստոնէութիւնը, որ թւում է՝ թէ ամբողջովին նպատակամղուած է մարդկանց տալու միայն յաւիտենական երջանկութիւնը, իրականում նրանց տալիս է այն ամբողջ երջանկութիւնը, որ հնարաւոր է այս աշխարհում։



Սբ. Երանոս Լիոնցի

Ինչպէ՞ս կարող էր մարդը գնալ դէպի Աստուած, եթէ Աստուած եկած չլինէր մարդու մօտ: Ինչպէ՞ս կ\'ազատուէր մարդը մահուան իր ծնունդից, եթէ չվերածնուէր հաւատքի մէջ նոր ծնունդով, որն առատաշնորհ վեհանձնութեամբ Աստծուց տրուեց այն ծնունդի շնորհիւ, որը կատարուեց Կոյսի արգանդում:



Քիառա Լուբիխ

Երբ սիրում ես, ամէն ինչ հեշտ է դառնում։



Տաղք Սողոմոնի (Ք.յ. Առաջին դար)

Իմ հանդէպ տածած Իր սէրը խոնարհեցրեց Իր [Աստծոյ Որդու] մեծութիւնը: Դարձաւ իմ նման, որպէսզի ես ընդունեմ Իրեն, դարձաւ իմ նման, որպէսզի ես Իրենով զգեստաւորուեմ: Չվախեցայ Նրան տեսնելիս, որովհետեւ Նա իմ համար ողորմութիւն է: Իմ բնութիւնը վերցրեց, որպէսզի ես հասկանամ Իրեն, իմ դէմքը վերցրեց, որպէսզի ես Իրենից չհեռանամ:



Պլինիոս Աւագ

Իրօք ճիշտ է, որ մարդուն պատահող չարիքների մեծամասնութեան պատճառը հէնց ինքը մարդն է։



Սբ. Յովհաննէս Կղիմաքոս

Աստուած Սէր է: Ով կը փորձի սահմանել Նրան, կը նմանուի մի կոյրի, ով ուզում է հաշուել ծովի աւազի հատիկները:



Սբ. Ժան-Մարի Վիաննէ

Երկու նամակ ստացայ, որոնք երկուսն էլ միեւնոյն ուժն ունեն։ Մէկում ինձ ասում էին, թէ մեծ սուրբ եմ, իսկ միւսում՝ թէ կեղծաւոր եմ։ Առաջինն ինձ ոչինչ չի աւելացնում, երկրորդը՝ ոչինչ չի պակասեցնում։ Աստծոյ առաջ այն ենք, ինչ որ ենք, եւ ոչի՛նչ աւելի։



Եւագր Պոնտացի

Ինչպէս լոյսը, որ մեզ տեսնել է տալիս ամէն բան, տեսնուելու համար կարիքը չունի մի ուրիշ լոյսի, նմանապէս Աստուած, որ մեզ տեսնել է տալիս ամէն բան, կարիքը չունի մի լոյսի, որի մէջ մենք կարող ենք տեսնել Իրեն, որովհետեւ Նա Իր էութեամբ իսկ լոյս է:



Ն.Ս. Բենեդիկտոս Տասնվեցերորդ Պապ

Իշխանութիւնը չէ, որ փրկում է, այլ՝ Սէրը։



Սբ. Մաքսիմոս Խոստովանող

Փաստը, որ Աստուած, բացարձակ լիութիւնը, արարածներին բերեց գոյութեան, դրա պատճառը բնաւ կարիքը կամ անհրաժեշտութիւնը չէ, այլ՝ որպէսզի Իր արարածները երջանիկ լինեն մասնակցելու Իր նմանութեանը, եւ որպէսզի Ինքն իսկ ուրախանայ Իր արարածների ուրախութեան համար, մինչ նրանք անսպառելիօրէն յագենում են Անսպառելիից:



Գիլբերթ Ք. Չեսթերթոն

Այնպէս չէ, որ քրիստոնէական գաղափարականն ինչ որ մէկի կողմից փորձարկուել է եւ պակասաւոր գտնուել։ Այլ՝ որ գտնուել է դժուարին եւ չփորձարկուած է թողնուել։



Սբ. Թէոֆիլոս Անտիոքացի

Նռան ներսում գտնուող սերմերը չեն կարող տեսնել կեղեւից դուրս գտնուող առարկաները, որովհետեւ իրենք ներսում են: Նոյն կերպ մարդը, ամբողջ արարչագործութեան հետ միասին փակուած լինելով Աստծոյ ձեռքի մէջ, չի կարող ըմբռնել Աստծուն: [...] Նրա միջոցով ես դու խօսում, Նրա միջոցով ես դու շնչում, եւ չգիտես դա: Որովհետեւ աչքդ կոյր է, սիրտդ՝ կարծրացած: Բայց, եթէ կամենում ես, կարող ես բժշկուել: Անձդ վստահիր Բժշկին, Նա կը բացի հոգուդ եւ սրտիդ աչքերը: Ո՞վ է Բժիշկը: Աստուա՛ծ, Իր խօսքով եւ Իր իմաստութեամբ:



Վիկտոր Հիւգո

Կան անձինք, որ սեւեռուն հայեացքով տեսնում են խաւարը։ Ես նախընտրում եմ հիանալ աստղերով։



Սբ. Կիպրիանոս Կարթագինէսացի

Նոր մարդը, որ վերածնուել եւ վերադարձուել է Աստծուն, նախեւառաջ ասում է \'\'Հայր\'\', որովհետեւ դարձել է որդի։