Օրուայ խօսք



Հմմտ. 2 Կորնթացիս 5, 7

Մենք ընթանում ենք հաւատքի մէջ, եւ ո՛չ տակաւին՝ տեսութեան:



Հմմտ. Յայտնութիւն 22, 17

Յիսուսն ասում է. «Ով ծարաւի է, թող գայ, ձրիօրէն վերցնի կեանքի ջուրը»:



Ղեւտացւոց 19, 9-10

Տէրը խօսեց Մովսէսի հետ ու ասաց. «Դուք՝ ձեր դաշտերի հնձուորներդ, հունձ անելիս ձեր դաշտերը մինչեւ վերջ մի՛ հնձէք եւ հնձի ժամանակ ընկած հասկերը մի՛ հաւաքէք։ Ձեր այգում ճռաքաղ մի՛ արէք, եւ ոչ էլ այգեկութից յետոյ ձեր այգում մնացած խաղողի ողկոյզները հաւաքէք։ Դրանք թող մնան տնանկին ու պանդխտին։ Ես եմ ձեր Տէր Աստուածը»։



Հմմտ. Յովհաննէս 7, 37-38

Յիսուսն ասում է. «Ով ծարաւի է, թող գայ իմ մօտ եւ խմի. կենդանի ջրերի գետեր կը բխեն նրանում»:



2 Կորնթացիս 5, 6

Քանի դեռ ապրում ենք այս մարմնում, աքսորի մէջ ենք, Տիրոջից հեռու:



Սաղմոս 41, 2-13

Երանելի է մարդը, որն հոգատարութիւն ունի տկարի նկատմամբ, չար օրերում Տէրն ազատում է նրան. Տէրը պաշտպանում է նրան, երանութեամբ ապրեցնում երկրի վրայ, նրան չի մատնում իր թշնամիների ցանկութեանը. Տէրն օգնում է նրան իր տառապանքի անկողնում, հիւանդութիւնները հեռացնում է անկողնուց, որի մէջ սպառւում էր: Ես ասում եմ. «Ողորմիր ինձ, Տէր, բժշկիր ինձ, որովհետեւ մեղանչեցի Քո դէմ». թշնամիներս չարիք են խօսում իմ դէմ. «Ե՞րբ է մեռնելու եւ ե՞րբ է անհետանալու իր անունը»: Ով գալիս է ինձ այցելելու, կեղծ խօսքեր է արտասանում, չարութիւն է հաւաքում իր սրտում, իսկ երբ դուրս է գալիս, չարախօսում է հրապարակներում: Իմ դէմ դաշնակցած, թշնամիներս բամբասում են, իմ դէմ թուարկում են փորձանքներս. «Ծանր, սատանայական հիւանդութիւն է ընկել վրան, անշուշտ չի կարող կրկին ոտքի կանգնել անկողնուց, ուր պառկած է»: Իմ մտերիմը նոյնպէս, ում վստահում էի, նա եւս, որ իմ հետ ուտում էր միեւնոյն հացը, այժմ իմ դէմ բարձրացնում է իր կրունկը: Բայց Դու, Տէր, ողորմիր ինձ, ոտքի կանգնեցրու ինձ, որպէսզի կարողանամ հատուցել նրանց. սրանից կ\'իմանամ, որ սիրում ես ինձ, եթէ թշնամիս իմ վրայ յաղթանակ չերգի. Դու կը հաստատես իմ անմեղութիւնը, ընդմիշտ կը կանգնեցնես ինձ Քո Դէմքի առաջ:



Մատթէոս 7, 13-14

Մտէք նեղ դռնով. որքա՜ն լայն է դուռը եւ ընդարձակ՝ ճանապարհը, որ տանում է դէպի կորուստ, եւ բազմաթիւ են նրանք, որ մտնում են դրանով։ Եւ որքա՜ն անձուկ է դուռը եւ նեղ՝ ճանապարհը, որ տանում է դէպի կեանք, եւ սակաւաթիւ են նրանք, որ գտնում են այն։



2 Օրինաց 24, 10-15

Եթէ քո մերձաւորը որեւէ բան է պարտք քեզ, ապա գրաւ վերցնելու համար նրա տունը չմտնես. կանգնի՛ր դրսում, եւ պարտք ունեցող մարդը ինքը թող գրաւը հանի դուրս։ Եթէ աղքատ է այդ մարդը, ապա երբ դու գիշերը պառկում ես, նրա գրաւ տուած զգեստը թող քեզ մօտ չլինի, այլ արեւը մայր մտնելու ժամանակ նրա գրաւը կը վերադարձնես. նա թող պառկի իր զգեստով, օրհնի քեզ, եւ դա քո Տէր Աստծու առջեւ կատարուած բարութիւն թող համարուի։ Մի՛ զլացիր վարձ տալ քո աղքատ ու կարիքաւոր եղբայրներին կամ քո քաղաքներում գտնուող եկուորներին. նոյն օրը տո՛ւր նրա վարձը, քանի դեռ արեւը մայր չի մտել, որովհետեւ նա տնանկ է, եւ դա է նրա յոյսը։ Նա քո մասին թող չբողոքի Տիրոջը, եւ քեզ վրայ դա որպէս մեղք թող չբարդուի։



Հմմտ. Յովհաննէս 11, 3-4

Յիսուսին ասացին. «Տէր, նա՝ ում սիրում ես, հիւանդ է»: Յիսուսն ասաց. «Այդ հիւանդութիւնը Աստծոյ փառքի համար է»:



2 Կորնթացիս 1, 9

Մեր վրայ ստացել ենք մահուան դատավճիռը, որպէսզի սովորենք չվստահել ինքներս մեզ:



Սաղմոս 40, 13-18

Բազմաթիւ չարիքներ են թափւում վրաս, ճզմում են ինձ իմ մեղքերը. դրանք չեմ հաշւում, աւելի են՝ քան մազերս, սիրտս նուաղում է ինձնում: Կամեցի՛ր, Տէր, ազատել ինձ, շտապիր ինձ օգնութեան. թող միասին ամաչեն ու սարսափեն բոլոր նրանք՝ ովքեր կեանքիս դէմ դաւեր են նիւթում: Թող յետ նահանջեն ամօթով ծածկուած, ովքեր չարիք են ինձ կամենում. իրենց ամօթի ներքոյ ճզմուեն, ովքեր ինձ ասում են. «Սա է քեզ հասնում»: Թող Քեզնում ուրախանան ու ցնծան, ովքեր փնտռում են Քեզ. միշտ ասեն. «Մեծ է Տէրը», ովքեր սիրում են պարգեւածդ փրկութիւնը: Ես աղքատ եմ, արհամարհուած մէկը, բայց Տէրը մտածում է իմ մասին. Դու ես իմ օգնութիւնն ու իմ ազատարարը, Աստուած իմ, մի՛ ուշացիր:



Սաղմոս 40, 2-12

Ես յուսացի, յուսացի Տիրոջը եւ Նա խոնարհուեց իմ վրայ, լսեց իմ աղաղակը: Դուրս հանեց ինձ մահուան փոսից, ցեխոտ ճահճուտից. ոտքերս ժայռի վրայ բարձրացրեց, հաստատուն դարձրեց իմ քայլերը: Բերանումս մի նոր երգ դրեց, գովասանք՝ մեր Աստծուն. շատերն են տեսնելու եւ երկիւղ զգալու եւ վստահելու են Տիրոջը: Երանելի է այն մարդը, որ Տիրոջ մէջ է հաստատել իր յոյսը. նա՝ ով հպարտների կողմը չէ, ով չի դիմում կեղծիքին հետեւողներին: Քանի՜ հրաշագործութիւններ կատարեցիր մեր համար, Տէր Աստուած իմ. քանի՜ ծրագրեր՝ ի նպաստ մեր, ոչ ոք է Քեզ նման. ուզում եմ աւետարանել դրանք եւ հռչակել, չափազանց շատ են՝ պատմելու համար: Ո՛չ զոհ կամեցար, ո՛չ ընծայ, իմ ականջները բացեցիր. ո՛չ ողջակէզ պահանջեցիր, ո՛չ էլ քաւութեան զոհ, յայնժամ ես ասացի. «Ահա գալիս եմ»: Գրքում իմ մասին գրուած է այն՝ ինչ կամենում ես, որ անեմ. Աստուած իմ, սա՛ է այն՝ ինչ սիրում եմ, Քո օրէնքը իմ սրտի խորքում է: Ես աւետարանում եմ Քո արդարութիւնը մեծ հաւաքոյթում. տեսնում ես, շրթունքներս փակ չեմ պահում, Տէր, Դու գիտես դա: Ծածուկ չեմ պահում Քո արդարութիւնը սրտիս խորքում. այո՛, ես հռչակում եմ Քո հաւատարմութիւնը եւ Քո պարգեւած փրկութիւնը. չեմ թաքցնում Քո սէրն ու Քո ճշմարտութիւնը մեծ հաւաքոյթի առաջ: Ինձնից մի՛ հեռացրու ողորմութիւններդ, Տէր, Քո սէրը եւ Քո ճշմարտութիւնը թող միշտ պահպանեն ինձ:



Մատթէոս 7, 12

Այն ամէնը, ինչ կը կամենաք, որ մարդիկ ձեզ անեն, այդպէս եւ դուք արէք նրանց, որովհետեւ այդ իսկ են Օրէնքն ու մարգարէները։



Հմմտ. Հռոմէացիս 12, 1

Որպէս զոհ մատուցէք ձեր մարմինները [= անկարգ կրքերը]. սա՛ է ձեր հոգեւոր պաշտամունքը:



Ղեւտացւոց 6, 1-7

Տէրը խօսեց Մովսէսի հետ ու ասաց. «Ով մեղք գործի, ով արհամարհելով խախտի Տիրոջ պատուիրանները, ով իր մերձաւորին խաբի նրա տուած աւանդի, իրեն ի պահ տրուած կամ իր յափշտակած որեւէ իրի համար, կամ որեւէ վնաս հասցնի իր մերձաւորին եւ կամ կորած մի բան գտնի, բայց ուրանայ, որ գտել է, եւ դրա համար սուտ երդում տայ, այսինքն՝ անի այն ամէնը, որոնցով նա մեղք է գործած լինում, բայց գիտակցի, որ մեղանչել, յանցանք է գործել, նա պէտք է հատուցի իր կատարած յափշտակութեան համար, իր հասցրած վնասի համար, իրեն ի պահ տրուած աւանդը կորցնելու համար, կորած բանը գտնելը ուրանալու եւ սուտ երդում տալու համար։ Իր հասցրած ամէն մի վնաս նա պէտք է հատուցի ամբողջութեամբ, դրան աւելացրած նաեւ վնասուած իրի արժէքի մէկ հինգերորդը։ Նա տիրոջը թող հատուցի հէնց իր մեղքը գիտակցած օրը։ Իր գործած մեղքի համար նա Տիրոջը զոհ պէտք է մատուցի մէկ արծաթ արժողութեամբ ոչ արատաւոր մի խոյ, քանի որ մեղք գործեց։ Քահանան Տիրոջ առաջ քաւութիւն եւ թողութիւն թող տայ նրան այն մեղքերի համար, որ նա գործել է»։