Ամփոփում
479. Աստծո կողմից սահմանված ժամանակին, Հոր միածին Որդին՝ հավիտենական Խոսքը, այսինքն՝ Բանն ու Հոր գոյացական պատկերը, մարմնացավ. առանց աստվածային բնությունը կորցնելու՝ ստանձնեց մարդկային բնությունը։
480. Հիսուս Քրիստոսը ճշմարիտ Աստված է և ճշմարիտ մարդ, Իր աստվածային Անձի միության մեջ. այս իսկ պատճառով, Նա միակ Միջնորդն է Աստծո և մարդկանց միջև։
481. Հիսուս Քրիստոսը երկու բնություն ունի՝ աստվածայինը և մարդկայինը, միմյանց չխառնված, այլ՝ Աստծո Որդու միակ Անձի մեջ միավորված։
482. Քրիստոսը, ճշմարիտ Աստված և ճշմարիտ մարդ լինելով, ունի մարդկային իմացականություն և մարդկային կամք, որոնք կատարյալ կերպով ներդաշնակ և ենթակա են Իր աստվածային իմացականությանն ու կամքին, որոնք Նա ընդհանուր եղանակով ունի Հոր և Սուրբ Հոգու հետ։
483. Մարդեղությունը, հետևաբար, Բանի միակ Անձի մեջ աստվածային բնության և մարդկային բնության զմայլելի միության խորհուրդն է։
