Սաղմոս 123 [122] - Ողորմիր մեզ, Տեր

Ա Ա Ա

Այս սաղմոսի առանցքային նյութը Տիրոջ սպասումն է: Սաղմոսերգուի կողմից գործածված արտահայտությունները հուշում են, որ նրա համար այդ սպասման բնորոշ հատկանիշներն են խոնարհությունը, արթուն հսկումը, և հատկապես՝ հարատևությունը (Տիրոջն ուղղված աչքերը, արհամարհանքն ու ծաղրանքը կրելու մեջ ցուցաբերած տոկունությունը):

Մեր աղոթքներում գործածվելով, այս սաղմոսը կարող է օգնել մեզ՝ հիշելու այն հաստատակամությունը, որով Հիսուսն ուսուցանում և վարձատրում էր աղոթքի մեջ հարատևությունը (Մտթ 15, 21-28; Ղկս 11, 5-8; 18, 1-8): Ինչպես սպասավորն ուշադիր է իր տիրոջ ակնարկներից յուրաքանչյուրին, մենք նույնպես պետք է ջանանք Տիրոջ ներկայության նշանները ճանաչել այսօրվա աշխարհում, և հատկապես՝ մեր օգնության կարիքն առավել ունեցող եղբայրների մեջ:

Կցորդ.		Տեր, Դավթի Որդի, ողորմիր մեզ (Մտթ 20, 30):
կամ.		Նման եղեք ծառային, որ սպասում է տիրոջը, որպեսզի բացի նրա առաջ, հազիվ թե հասնի ու բախի (հմմտ. Ղկս 12, 36):
կամ.		Հայացքներս սևեռուն պահենք Հիսուսի վրա, որ հեղինակն է մեր հավատքի (հմմտ. Եբր 12, 2):
կամ.		Ահա Տիրոջ աղախինն եմ, թող խոսքիդ համաձայն լինի ինձ (Ղկս 1, 38):
կամ.		Վարվեցեք իբրև ազատ մարդիկ, որպես Աստծո ծառաներ (հմմտ. 1Պտ 3, 14):

¹Աստիճանների երգ:

Աչքերս բարձրացնում եմ դեպի Քեզ,

որ բնակվում ես երկնքում.

²ահա դրանք, ինչպես ծառաների աչքերը,

ուղղված՝ տերերի ձեռքին:

Այնպես, ինչպես աղախնու աչքերը

ուղղված են տիրուհու ձեռքին,

այնպես էլ մեր աչքերն ուղղված են Տիրոջը՝ մեր Աստծուն,

մինչև կողորմի մեզ:

³Ողորմիր մեզ, Տեր, ողորմիր մեզ,

արհամարհանքը հագեցրել է մեզ.

⁴կուշտ ենք հպարտների ծաղրանքից

ու գոռոզների արհամարհանքից:

Կայքին օգնելու համար կարող եք դիտել / ունկնդրել այս տեսանյութը։

Շնորհակալություն կանխավ։