Սաղմոս 72 [71] - Արևից առաջ՝ «Բողբոջ» է Նրա Անունը
-
01
-
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
-
19
-
-
20
-
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
-
37
-
- 38
- 39
- 40
- 41
- 42
- 43
- 44
- 45
- 46
- 47
- 48
- 49
- 50
- 51
- 52
- 53
- 54
- 55
- 56
- 57
- 58
- 59
- 60
- 61
- 62
- 63
- 64
- 65
- 66
- 67
- 68
- 69
- 70
- 71
- 72
- 73
- 74
- 75
- 76
- 77
-
78
-
-
79
-
- 80
- 81
- 82
- 83
- 84
- 85
- 86
- 87
- 88
- 89
-
90
-
- 91
- 92
- 93
- 94
- 95
- 96
- 97
- 98
- 99
- 100
- 101
- 102
- 103
- 104
- 105
- 106
- 107
- 108
- 109
- 110
- 111
- 112
- 113
- 114
- 115
- 116
-
117
-
- 118
- 119
-
120
-
- 121
- 122
- 123
- 124
- 125
- 126
- 127
- 128
- 129
- 130
- 131
- 132
- 133
- 134
- 135
- 136
- 137
- 138
- 139
- 140
- 141
- 142
- 143
- 144
- 145
- 146
- 147
-
148
-
- 149
- 150
- 151
Ամբողջ սաղմոսն արտահայտում է վառ փափաքը, որ Աստված թագավորին պարգևի արդար, աղքատներին նպաստավոր, բարգավաճ, մշտնջենավոր ու տիեզերական թագավորություն: Բովանդակության մեջ պատշաճ է զանազանել իմաստնային երկու հարթություններ.
Առաջինը դա արարողությունն է, որ նկարագրվում է. խոսքը վերաբերվում է նոր թագավորի համար կատարվող աղոթքի կամ մաղթանքի: Նկատելի է այն յուրահատուկ ուժգնությունը, որով արտահայտվում է փափաքը, որ թագավորն ընդունակ լինի դիրք գրավելու ի նպաստ աղքատների: Արդարությունը չի կայանում այնքան կշեռքը հավասարակշռության մեջ պահելու, որքան պաշտպանելու մեջ նրանց, ովքեր առավելագույնս ենթակա են անարդարացի ճնշումների. աղքատներին, հասարակության մեջ ցածր դիրք ունեցողներին («ժողովրդի խոնարհներին»), աղքատների որդիներին:
Երկրորդը դա մեսիական մարգարեության իմաստն է. այն, ինչն այս սաղմոսը մաղթում է թագավորին, դա Նաթանի մարգարեության իրականացումն է (2Սմ 7, 12), որը կատարելապես իրականացել է հանձինս Հիսուս Քրիստոսի: Նա է խաղաղության թագավորը, որին իշխանություն է տրվել դատելու աշխարհը. «Հայրն ամեն դատաստան հանձնել է Որդուն» (Հվհ 5, 22): Որդին չի կորցնելու ոչ մեկին նրանցից, որոնք Իրեն են հանձնվել (Հվհ 6, 39):
Քրիստոսը Նա է, ով բարի լուրը ավետարանում է աղքատներին և ճնշվածներին պարգևում է ազատագրում (Ղկս 4, 18): Ավետարանում ներկայացված Մեսիան չի կործանում մարդկանց, այլ միմիայն չարիքը, որ կա նրանց մեջ (Մտթ 11, 5): Իր հաղթանակը Նա ստանում է համոզելով և առաջնորդելով դեպի մի նոր ծնունդ (Հվհ 3, 3): Եվ այս աշխարհի վրա ապրված կյանքը հիմնում է մի նոր հիմքի վրա. արդարությունը, որն ազատում է մարդուն կեղեքումից և նրան տալիս է Աստծո որդիների ազատությունը: Եվ մարդկանց ճաշակել է տալիս Իր խաղաղությունը, որն էապես տարբեր է այն խաղաղությունից, որը կարող է տալ մեզ աշխարհը (Հվհ 14, 27):
Հարկավոր է, այսուամենայնիվ, ընդունել, որ այս մարգարեությունն ամբողջովին չի կատարվել Քրիստոսի առաջին գալստյամբ: «Սուրբ ու անարատ» Եկեղեցին (Եփս 5, 27) նաև Եկեղեցին է, որին անդամակցում են բազմաթիվ մեղավորներ. Եկեղեցին է, որը սպասում է իր Տիրոջ վերադարձին: Այս իսկ պատճառով, այս սաղմոսը տակավին կրկնում ենք որպես մի աղոթք, որն արտահայտում է մեր հույսը: Եվ դա չենք անում ներկայից փախչելու նպատակով, այլ հաստատելու համար մեր կամքը՝ տարածելու Քրիստոսի Անունն ու Արքայությունը և բողբոջի նման ծաղկեցնելու Նրա խաղաղությունը:
| Կցորդ. | Այսօր ձեր համար մի փրկիչ ծնվեց, որ Ինքը Քրիստոս Տերն է (Ղկս 2, 11): | |
| կամ. |
Նաև հեթանոսներին Աստված դարձ շնորհեց,
որպեսզի ունենան կյանքը (հմմտ. Գրծ 11, 18):
|
|
| կամ. | Քրիստոսն ամեն ինչից վեր է, հավիտյանս օրհնյալ Աստված (հմմտ. Հռմ 9, 5): |
1Սողոմոնի:
Աստված, Մեսիա Թագավորին վստահիր դատաստանդ,
արդարությունդ՝ Թագավորի որդուն.
2թող ժողովրդիդ կառավարի արդարությամբ,
և աղքատներիդ՝ ըստ իրավունքի:
3Լեռները ժողովրդին թող խաղաղություն բերեն,
բլուրները՝ բերեն արդարություն.
4նա թող պաշտպանի իր ժողովրդի աղքատներին,
փրկի խոնարհներին և ջախջախի կեղեքողներին:
5Նրանից կերկնչեն արևի և լուսնի ներքո,
սերնդից սերունդ՝ հավիտյանս հավիտենից.
6անձրևի նման կիջնի գեղմի վրա,
ինչպես ցողը, որ թրջում է երկիրը:
7Նրա օրոք կծաղկի արդարությունը,
բազում խաղաղություն՝ անթիվ ամիսներ շարունակ.
8կիշխի մի ծովից մինչև մյուս ծովը,
և Գետից մինչև աշխարհի սահմանները:
9Քոչվոր հովիվները երկրպագելու են նրա առաջ,
նրա թշնամիները ծամելու են գետնի փոշին.
10Թարսիսի և կղզիների թագավորները
գալու են՝ բերելու իրենց նվերները:
Սաբայի և Սեբայի թագավորները
գալու են՝ բերելու իրենց ընծաները.
11բոլոր թագավորները երկրպագելու են նրա առաջ,
նրան ծառայելու են բոլոր ժողովուրդները:
12Նա կազատի աղքատին, որն աղաղակում է,
խեղճին, որը պաշտպան չունի:
13Հոգատարություն կունենա տկարի ու կարիքավորի հանդեպ,
կփրկի հարստահարվածների կյանքը:
14Նրանց կազատագրի բռնությունից ու կեղեքումից,
նրանց արյունը թանկարժեք է իր աչքերի առաջ:
15Կեցցե նա. նրան կտրվի Սաբայի ոսկին,
նրա համար կաղոթեն անդադար,
ամեն օր նա կօրհնվի:
16Ցորենն առատանալու է երկրի վրա,
ծփալու է սարերի գագաթներին.
նրա հասկերն ուռճացած՝ ինչպես Լիբանանը,
նրա հունձքը՝ ինչպես երկրի խոտը:
17Նրա Անունը տևելու է հավետ,
արևից առաջ՝«Բողբոջ» է իր Անունը.
նրանով են օրհնվելու բոլոր ժողովուրդները
և նրանք երանելի են ասվելու:
18Օրհնյալ է Տեր Աստված, Աստված Իսրայելի,
միայն Նա է հրաշքներ գործում.
19հավետ օրհնյալ է փառքի Իր Անունը,
ամբողջ երկիրը թող լցվի Իր փառքով:
Ամեն: Ամեն:
20Ավարտվում են Դավթի՝ Հեսսեի որդու աղոթքները:
Վերջ Սաղմոսների Երկրորդ Գրքի
Սաղմոսարանի այս երրորդ մասում ներկայացվում են Ասափի սաղմոսների հավաքածուն, որը Երուսաղեմի Տաճարի երգչախմբի ղեկավարներից մեկն էր (1Մն 25, 1-6; 2Մն 29, 30), և Կորխի որդիների Սաղմոսարանի վերջին մասը, որի սկիզբն ամփոփված էր երկրորդ գրքում (42-50): Աղոթքները տարբեր բնույթի են, ինչպիսին որ է հավատացյալի կյանքի փորձառությունը. տառապող անմեղի ողբից մինչև հաղթանակի ցնծալի ուրախությունը: Երբեմն երբեմն կհանդիպենք Սիոնի տաղերին, բերկրանքի և հույսի երգերին, պատմությանն ուղղված հետադարձ հայացքների, որոնք հաճախ ստանում են ազգային մեծ ողբասացության ձայներանգ: Տարբեր շեշտադրումներով, աղոթքներից յուրաքանչյուրն արտահայտում է Աստծո և Նրա պարգևած փրկության սպասումը:
