Եր. Էլենա Գուերրա (1835-1914). « ՄԵՐ ՄԵՋ ԿՐԿՆԻՐ ՇՆՈՐՀԻ ՀՐԱՇՔՆԵՐԸ »
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
Ո՜վ Աստվածային Հոգի, որ լույսերիդ ու պարգևներիդ առատությամբ իջար քրիստոնեական առաջին համայնքի վրա, որն Հոգեգալստյան օրը խմբվել էր Վերնատանը: Ահա՛ Քո առջև հավաքվել է նաև այս համայնքը, որն աղերսում է Քեզ իր համար վերստին կատարել այն, ինչը որ կատարեցիր այն առաջին հիշարժան օրը: Եվ որպեսզի դա կատարվի, մենք նվիրվում ենք Քեզ՝ Քեզ ընծայելով մեր միտքը, մեր կամքը, մեր սիրտը:
Փրկության գործը, որ Քրիստոսը՝ Աստծո մարդացած Որդին իրագործեց հատկապես Իր չարչարանքներով ու մահվամբ, և այդ գործի այժմեացումը կամեցավ հանձնել Իր Եկեղեցուն, Քո կողմից ամբողջացվեց Հոգեգալստյան օրը և երբեք չտկարացավ: Բայց որպեսզի այդ գործը մեր մեջ ավելի զորեղ ու պտղառատ լինի և Եկեղեցու այս բեկորը հոգևոր տևական առաջընթաց ապրի, մենք անվերապահ հանձնվում ենք Քեզ:
Թող որ Քո լույսը լուսավորի մեր մտքերը, որպեսզի միշտ փնտրենք ճշմարտությունը և թույլ չտանք, որ կեղծ մարգարեները մոլորեցնեն մեզ: Թող որ Քո շնորհը նորոգ կորով հաղորդի մեր կամքին և այն ընդունակ դարձնի դիմակայելու դիվային նենգություններին ու ապականությանը: Թող որ Քո հոգևոր պարգևները մեզ առաքյալներ դարձնեն խոսքով և կյանքի օրինակով:
Ո՜վ Աստվածային Հոգի, մեր մեջ կրկնի՜ր շնորհի հրաշքները, որոնք Քո գալստյամբ կատարվեցին քրիստոնեական առաջին համայնքում: Թող որ Քո մեջ ապրելով՝ դեպի Եկեղեցին և դեպի Քրիստոսը առաջնորդենք բոլոր նրանց, ում կհանդիպենք մեր կյանքի ընթացքում, այդպիսով նպաստելով մարդկային զարմի փրկության այն սքանչելի ծրագրին, որը Հոգեգալստյան մեջ տվեց իր առաջին հրաշալի պտուղները:
Ամեն: