12-13. Փորձությունը անապատում

Ա Ա Ա

→ Մտթ 4, 1-11; Ղկս 4, 1-13

≈ Հոբ 1, 6-12

¹²Եվ իսկույն Հոգին մղեց Նրան դեպի անապատ, ¹³և Նա անապատում մնաց քառասուն օր՝ փորձվելով սատանայից: Այնտեղ Նա վայրի կենդանիների հետ էր, և հրեշտակները սպասավորում էին Նրան:

1, 12-13 - Մարկոսը բաց է թողնում Մատթեոսի և Ղուկասի կողմից ներկայացված երեք փորձությունների մանրամասնությունները (կամ ծանոթ չէ դրանց): Վայրի կենդանիների հիշատակումն ակնարկում է մարգարեների կողմից ավետված մեսսիական ժամանակների տեսլականին, որպես վերադարձ դրախտային խաղաղության ու ներդաշնակության վիճակին (հմմտ. Ես 11, 6-9), որին կցվում է անապատ քաշվելու թեման (հմմտ. Ովս 2, 16-17): Հրեշտակների մատուցած սպասավորությունը («διακονέω» - «դիակոնեօ») արտահայտում է աստվածային հոգատարության ու պաշտպանության իմաստը (հմմտ. Սղմ 91, 11-13): ꟷ

- «Անապատ» եզրի նշանակության համար՝ տե՛ս Մտթ 3, 3⁺-ի երկրորդ մասը: ꟷ

- Հիսուսի կրած փորձությունների մանրամասնությունների, ինչպես նաև գործածված եզրերի իմաստի ու նշանակության վերաբերյալ՝ տե՛ս Մտթ 4, 1-11⁺:

Կայքին օգնելու համար կարող եք դիտել / ունկնդրել այս տեսանյութը։

Շնորհակալություն կանխավ։