22-25. Հաղորդության խորհրդի հաստատումը

Ա Ա Ա

→ Մտթ 26, 26-29; Ղկս 22, 15-20; 1Կր 11, 23-25

≈ Մտթ 8, 11; Ել 24, 8; Զքր 9, 11

²²Եվ մինչ նրանք տակավին ուտում էին, հացը վերցնելով և օրհնությունն արտասանելով՝ Նա կտորների բաժանեց այն և նրանց տվեց, և ասաց. «Վերցրե՛ք. սա իմ մարմինն է»: ²³Ապա վերցնելով բաժակը, գոհություն հայտնելով՝ նրանց տվեց այն, և բոլորը խմեցին դրանից: ²⁴Եվ Նա նրանց ասաց. «Սա ուխտի իմ արյունն է, որ հեղվում է շատերի համար: ²⁵Ճշմարիտ եմ ասում ձեզ, որ որթատունկի պտղից չեմ խմելու այլևս երբեք, մինչև այն օրը, երբ դրանից կխմեմ նորը՝ Աստծո արքայության մեջ»:

14, 22-25 - Զատկական ընթրիքի արարողակարգի ժամանակ Հիսուսի կողմից արտասանված խոսքերն ու կատարված արարքներն արտահայտում են Իր ողջ անձի անմնացորդ նվիրումը՝ Իր Մարմնի ու Իր Արյան ընծայման միջոցով: Զատիկի տոնակատարությունն ու Հաղորդության խորհրդի հաստատումը ներկայացնում են բնորոշ հատկանիշներ, որոնք մեծապես նման են Մատթեոսի տարբերակին (26, 26-29): Հմմտ. նաև Ղկս 22, 15-20; Հվհ 6, 51-59; 1Կր 11, 23-26 հատվածները: ꟷ

- «Վերցրե՛ք. սա իմ մարմինն է». «Λάβετεգ τοῦτό ἐστιν τὸ σῶμά μου» - «Լաբետ». տուտո էստին տո սօմա մու». Գրաբար. «Առէք, այդ է մարմին իմ»։ ꟷ

- «Սա ուխտի իմ արյունն է, որ հեղվում է շատերի համար». «Τοῦτό ἐστιν τὸ αἷμά μου τῆς διαθήκης τὸ ἐκχυννόμενον ὑπὲρ πολλῶν» - «Տուտո էստին տո հաիմա մու տես դիաթեկես տո էկխյուննոմենոն հյուպեռ պոլլոն». Գրաբար. «Այս է արիւն իմ [նորոյ] ուխտի, որ փոխանակ բազմաց հեղու»։ ꟷ

- Ինչպես Մատթեոսի, այնպես էլ Մարկոսի մոտ, նշանակալի է «εἰμί» - «էիմի» - «լինել» բայի ներկայությունը. նվիրագործված հացը Քրիստոսի Մարմինը, գինին՝ Նրա Արյունն «է» («ἐστιν» - «էստին»): Բացարձակապես միանշանակ հստակություն, որ բնավ տեղ չի թողնում այլևայլ մեկնաբանությունների համար:

14, 22 - «հացը վերցնելով և օրհնությունն արտասանելով». Տե՛ս Մտթ 26, 26⁺:

14, 24 - «ուխտի իմ արյունն է». Խոսքը վերաբերվում է և՛ Հին Ուխտի արյանը՝ ըստ Ել 24, 4-8 հատվածի, որը Քրիստոսի Արյան մարգարեական պատկերն էր, և՛ Նոր Դաշինքին (Եկեղեցու մեջ ի մի հավաքված ժողովրդին), որ ծնվելու էր Հիսուսի ինքնանվիրմամբ, ինքնազոհընծայմամբ: – Տե՛ս նաև Մտթ 26, 28⁺-ի առաջին և երկրորդ մասերը: ꟷ

- «շատերի համար». Տե՛ս Մտթ 20, 28⁺-ի երկրորդ մասը:

Կայքին օգնելու համար կարող եք դիտել / ունկնդրել այս տեսանյութը։

Շնորհակալություն կանխավ։