30-32. Չարչարանքների մասին երկրորդ կանխասացությունը

→ Մտթ 17, 22-23; Ղկս 9, 43-45; Հվհ 7, 1

⁓ Մրկ 1, 34; 4, 13; 8, 31; 10, 32-34;  ≈ Ղկս 18, 34

 

³⁰Այնտեղից մեկնելով՝ նրանք Գալիլեայի միջով էին անցնում, բայց Հիսուսը չէր կամենում, որ որևէ մեկն իմանա, ³¹որովհետև ուսուցանում էր Իր աշակերտներին և նրանց ասում էր, թե. «Մարդու Որդին շուտով մատնվելու է մարդկանց ձեռքը, և նրանք սպանելու են Նրան. և սպանվելուց հետո՝ Նա երրորդ օրը հարություն է առնելու»: ³²Բայց նրանք չէին հասկանում այդ խոսքը. և սակայն, վախենում էին հարցնել Նրան: