31-35. Հիսուսի ճշմարիտ ազգականները – Գրադարան – Mashtoz.org

31-35. Հիսուսի ճշմարիտ ազգականները

→ Մտթ 12, 46-50; Ղկս 8, 19-21
 
31Եվ եկան Նրա մայրն ու Նրա եղբայրները, և դրսում կանգնած՝ մարդ ուղարկեցին կանչելու Նրան: 32Եվ ժողովրդի բազմությունը նստած էր Նրա շուրջը, և նրանք ասացին Նրան. «Ահա՛ մայրդ, եղբայրներդ ու քույրերդ դրսում քեզ են ուզում»: 33Բայց Նա պատասխանելով նրանց՝ ասաց. «Ո՞վ է իմ մայրը և ովքե՞ր են իմ եղբայրները»: 34Ապա հայացքն ուղղելով նրանց, ովքեր շուրջանակի նստած էին Իր չորս կողմը, ասաց. «Ահա՛ իմ մայրն ու իմ եղբայրները: 35Ով կատարում է Աստծո կամքը, նա՛ է ինձ եղբայր և քույր և մայր»:
3, 31 - «եղբայրները». Հուն. «ἀδελφοὶ» - «ադելֆոյ»։ Սույն եզրի ճշգրիտ իմաստի վերաբերյալ՝ տե՛ս Մտթ 12, 46+-ի առաջին մասը:
 
3, 33-34 - Տե՛ս Մտթ 12, 48-49+:
 
3, 35 - Տե՛ս Մտթ 12, 50+:
Կայքին օգնելու համար կարող եք դիտել / ունկնդրել այս տեսանյութը։
Շնորհակալություն կանխավ։