35-40. Զեբեդեոսի որդիների խնդրանքը
-
01
-
-
02
-
-
03
-
-
04
-
-
05
-
-
06
-
-
07
-
-
08
-
-
09
-
-
10
-
-
11
-
-
12
-
-
13
-
-
14
-
-
15
-
-
16
-
-
17
-
→ Մտթ 20, 20-23; ⁓ Մրկ 4, 13; 14, 36
≈ Ղկս 12, 50; Հռմ 6, 3; Գրծ 12, 1-2; Հյտ 1, 9
35Եվ Նրան մոտեցան Հակոբոսն ու Հովհաննեսը՝ Զեբեդեոսի որդիները, ասելով Նրան. «Վարդապետ, կամենում ենք, որ այն, ինչը որ Քեզնից խնդրելու ենք, Դու անես դա մեր համար»: 36Եվ Նա նրանց ասաց. «Ի՞նչ եք կամենում, որ ես անեմ ձեր համար»: 37Եվ նրանք ասացին Նրան. «Շնորհ արա մեզ, որ մեզնից մեկը Քո աջ կողմում, իսկ մյուսը Քո ձախ կողմում նստենք Քո փառքի մեջ»: 38Եվ Հիսուսը նրանց ասաց. «Չեք իմանում, թե ի՛նչ եք խնդրում: Կարո՞ղ եք խմել այն բաժակը, որ ես խմում եմ, կամ մկրտվել այն մկրտությամբ, որով ես մկրտված եմ»: 39Եվ նրանք ասացին Նրան. «Կարող ենք»: Եվ Հիսուսն ասաց նրանց. «Բաժակը, որ ես խմում եմ, դուք էլ կխմեք, և մկրտությամբ, որով ես մկրտված եմ, դուք էլ կմկրտվեք: 40Բայց նստել իմ աջ կամ ձախ կողմում, ես չէ, որ շնորհում եմ, այլ՝ դա նրանց համար է, որոնց համար որ պատրաստված է»:
10, 35-45 - Այս հատվածի որոշ մանրամասնությունների համար՝ տե՛ս Մտթ 20, 20-28+:
10, 37 - «Քո փառքի մեջ». Այսինքն՝ երբ կհաղթանակես որպես Մեսսիական Թագավոր: Երկու առաքյալների խնդրանքը Քրիստոսի գալիք, հավիտենական, անդենական փառքի մասին չէ, այլ՝ նրանք շարունակում են հուսալ, որ շատ շուտով ականատես են լինելու Դավթի թագավորության վերահաստատմանը:
10, 38-39 - «խմում եմ ... մկրտված եմ». Մի խումբ ձեռագրեր, Մարկոսի այս տողերը Մատթեոսի հետ նույնացնելու նպատակով, բայերի ներկա ժամանակը փոխարինում են ապառնիով: Գրաբարը ևս. «ըմպելոց եմ ... մկրտելոցն եմ»։
10, 38 - «մկրտվել». Իր սկզբնական իմաստով, «մկրտվել» նշանակում է ջրերի մեջ սուզվել (հմմտ. Մտթ 3, 6+): Հիսուսը, մարդկության փրկության համար, «սուզվելու է» տառապանքի վիհերի մեջ: Նույնը պետք է անեն նաև Իր աշակերտները, եթե կամենում են մասնակցել Իր միևնույն փառքին:
