ԲԱԼԴՈՒՎԻՆՈՒՍ ՖՈՐԴԱՑԻ (1125-1190). « ԵՍ ԵՄ ԿՅԱՆՔԻ ՀԱՑԸ »
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40
- 41
- 42
- 43
- 44
- 45
- 46
Բալդուվինուս Ֆորդացի (1125-1190). « Խորանի Խորհրդի մասին », 2, 3 (SC 93, t. 1).
[...] Քրիստոսն ասում է. «Ով գալիս է իմ մոտ, այլևս երբեք քաղց չի զգա. և ով հավատում է ինձ, այլևս երբեք չի ծարավի» (Հվհ 6, 35)։ [...]
Իսկ սաղմոսերգուն ասում է. «Հացը կազդուրում է մարդու սիրտը» (Սղմ 104, 15)։
Նրանց համար, ովքեր հավատում են Իրեն, Քրիստոսը կերակուր է և ըմպելիք՝ Հաց և Գինի։ Հաց, որ կազդուրում է և ուժ տալիս, [...] ըմպելիք, որ զվարթություն է տալիս։ [...] Այն ամենը, ինչը որ մեր մեջ ուժեղ է և ամուր, բերկրալի և ուրախ՝ կատարելու համար Աստծո պատվիրանները, համբերությամբ կրելու համար տառապանքը, գործադրելու համար հնազանդությունը և պաշտպանելու համար արդարությունը, այս ամենը այս Հացի ուժն է և այս Գինու բերկրանքը։
Երանելի՜ են նրանք, որ գործում են ամուր ուժով ու բերկրանքով։ [...] Երանելի՜ են նրանք, ովքեր եռանդագին կերպով ցանկանում են գործադրել այն, ինչը որ արդար ու ազնիվ է, և ամեն ինչում ցանկանում են ուժ և ուրախություն ստանալ Նրանից, Ով ասել է. «Երանի՜ նրանց, ովքեր քաղցն ու ծարավն ունեն արդարության» (Մտթ 5, 6)։ Եթե Քրիստոսն է հացն ու ըմպելիքը, որոնք այժմ ապահովում են արդարների ուժն ու ուրախությունը, որքա՜ն ևս առավել դա կլինի Երկնքում, երբ արդարներին կտրվի առանց չափի։
Ուշադրությո՜ւն դարձնենք. Քրիստոսի խոսքերի մեջ [...] այս կերակուրը, որ մնում է հավիտենական կյանքի համար, անվանվում է Երկնքի հաց, ճշմարիտ հաց, Աստծո հաց, կյանքի հաց [...] ։ Աստծո հաց, զանազանելու համար այն հացից, որը պատրաստվում և թխվում է հացագործի ձեռքով. [...] կյանքի հաց, զանազանելու համար այս մյուս հացից, որ փչանում է, որ կյանքը չէ և կյանք չի տալիս, այլ՝ հազիվ պահպանում է այն, դժվարությամբ և խիստ սահմանափակ ժամանակով։ Մյուսը, մինչդեռ, կյանքն է, տալիս է կյանքը, պահպանում է մի կյանք, որը ոչ մի ընդհանրություն չունի մահվան հետ։ [...]
