« ԱՅՍՕՐ ԿԱՏԱՐՎԵՑ ԱՅՍ ԳՐՎԱԾՔԸ »
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
Որոգինես Ադամանցիուս Ալեքսանդրացի (մոտ 185-253). « Ճառ 32, Ղուկաս Ավետարանչի մասին », 2.
[...] Երբ կարդում ես, թե « ուսուցանում էր նրանց ժողովարաններում և բոլորը մեծապես գովում էին Նրան », չպետք է բախտավոր համարես միայն նրանց, և չպետք է քեզ զրկված կարծես Իր ուսուցումից։
Քանի որ Գրվածքները ճշմարիտ են, Տերը չխոսեց միայն այն ժամանակ՝ հրեաների ժողովներում, այլ՝ խոսում է նաև հիմա, մեր այս հավաքի մեջ. և ո՛չ միայն այս, այլ՝ նաև մյուս հավաքներում, և ամբողջ աշխարհում Հիսուսն ուսուցանում է՝ փնտրելով գործիքները, որոնց միջոցով կարող է ուսուցանել։ Աղոթեցե՜ք, որպեսզի ես հավասարապես պատրաստ և ընդունակ գտնվեմ՝ երգելու Նրան։
Այնպես, ինչպես Ամենակալն Աստված, մարգարեներ փնտրելով այն ժամանակ, երբ մարգարեությունները հետզհետե պակասում էին մարդկանց միջից, գտավ, օրինակ, Եսայիին, Երեմիային, Եզեկիելին, Դանիելին, այդպես Հիսուսը փնտրում է գործիքներ՝ հաղորդելու համար Իր խոսքը, « ուսուցանելու համար ժողովուրդներին իրենց ժողովարաններում և փառավորվելու համար բոլորի կողմից »։ Հիսուսը շա՜տ ավելի « բոլորի կողմից փառավորված » է այսօր, քան այն ժամանակ, երբ ճանաչված էր միայն Իր աշխարհամասում։ [...]