Աղոթում եմ, որ բոլորդ միշտ անհողդողդ մնաք մեր Աստված Հիսուս Քրիստոսի մեջ
Ը. – 1. Քանի որ չկարողացա գրել բոլոր Եկեղեցիներին, Տրովադայից Նեապոլիս[1] հանկարծակի մեկնումիս պատճառով, – տրված հրամանի[2] համաձայն, – քո դիմաց գտնվող Եկեղեցիներին[3] դու ինքդ գրիր. դու, որ քաջատեղյակ ես Աստծո մտքին: Թող նրանք էլ միևնույն կերպ վարվեն. ովքեր կարող են, թող պատվիրակներ ուղարկեն, իսկ ովքեր չեն կարող, թող նամակներ գրեն և ուղարկեն քո կողմից առաքված մարդկանց միջոցով, որպեսզի փառավորվեք այս հավիտենական գործով, ինչպես և արժանի ես:
2. Ողջունում եմ բոլորին անուն առ անուն: Ողջունում եմ Եպիտրոպոսի կնոջն իր ամբողջ ընտանիքի և որդիների հետ միասին: Ողջունում եմ ինձ հույժ սիրելի Ատթաղոսին: Ողջունում եմ նրան, ով արժանի կհամարվի գնալու Ասորիք. շնորհը միշտ նրա հետ կլինի, ինչպես նաև նրան ուղարկող Պողիկարպոսի հետ:
3. Աղոթում եմ, որ բոլորդ միշտ անհողդողդ մնաք մեր Աստված Հիսուս Քրիստոսի մեջ. որ Նրա մեջ մնաք, Աստծո միության մեջ և Նրա առաջնորդության[4] ներքո: Ողջունում եմ իմ սիրելի Աղկիային: Անհողդողդ մնացեք Տիրոջ մեջ[5]: