Աղոթքներ և հրաժեշտի ողջույններ
Թ. – 1. Ձեր աղոթքներում հիշեցեք Ասորիքի Եկեղեցին, որն այժմ, իմ փոխարեն, Աստծուն ունի որպես հովիվ: Միմիայն Հիսուս Քրիստոսը կհսկի նրա վրա որպես Եպիսկոպոս, և ձեր սերը:
2. Ինչ վերաբերվում է ինձ, ես ամաչում եմ, որ դասվում եմ այդ Եկեղեցու հավատացյալների շարքը: Արժանի չեմ, քանի որ նրանցից ամենավերջինն եմ, մի վիժվածք[1]: Բայց եթե կարողանամ հասնել Աստծուն, ողորմությամբ կստանամ լինել ինչ որ մեկը[2]:
3. Ձեզ ողջունում է իմ հոգին և ինձ ընդունած Եկեղեցիների սերը: Նրանք ինձ ընդունեցին հԱնուն Հիսուս Քրիստոսի[3], և ո՛չ թե՝ որպես մի պարզ անցորդ: Նաև այն Եկեղեցիները, որոնք իմ անցնելիք ճանապարհին չէին գտնվում, քաղաքից քաղաք ընդառաջ էին գալիս ինձ:
