Գովասանքի խոսքեր
Ա. – 1. Իմացա ձեր սիրո կատարյալ դրության մասին, որն Աստծո կամքի համաձայն է: Ուստի մեծ ուրախությամբ մտածեցի խոսել ձեր հետ, Հիսուս Քրիստոսի հանդեպ հավատքի մեջ:
2. Քանի որ որպես պարգև ստացել եմ մի անուն, որն աստվածային վայելչություն է արտահայտում[1], կրածս այս շղթաներով գովաբանում ու հռչակում եմ Եկեղեցիներին[2], և աղոթում եմ, որ նրանց մեջ լինի մարմնի և հոգու միությունը Հիսուս Քրիստոսի, որ մեր մշտնջենավոր կյանքն է. միությունը հավատքի և սիրո, որն ամենաթանկարժեք պարգևն է. և հատկապես՝ Հիսուսի և Հոր միությունը: Աստծո մեջ դիմադրելով այս աշխարհի իշխանի[3] ամեն տեսակ հարձակումներին և խուսափելով նրա ազդեցությունից՝ կհասնենք Աստծուն[4]:
Բ. Քանի որ բախտն ունեցա ձեզ բոլորիդ տեսնելու հանձինս Դամասի՝ Աստծուն արժանի ձեր Եպիսկոպոսի, և հանձինս ձեր արժանավոր քահանաներ Բասոսի և Ապողոնիոսի, և հանձինս Զոթիոն սարկավագի՝ իմ ծառայակցի, որի ներկայությունից կփափագեի տակավին պտուղներ քաղել, քանի որ հնազանդ է Եպիսկոպոսին ինչպես Աստծո շնորհին, և քահանայից դասին՝ ինչպես Հիսուս Քրիստոսի օրենքին: