Եպիսկոպոսը միության կենտրոն
Ե. – 1. Եթե ես, այսքան կարճ ժամանակում, այսքա՜ն սերտ մտերմության հասա ձեր Եպիսկոպոսի հետ, – մտերմություն ո՛չ թե մարդկային, այլ՝ հոգևոր, – որքա՜ն ևս առավել պետք է բախտավոր համարեմ ձեզ, որ միացած եք նրան, ինչպես Եկեղեցին միացած է Հիսուս Քրիստոսին և ինչպես Հիսուս Քրիստոսը միացած է Հորը: Որպեսզի ամեն բան համախոհությամբ լինի միության մեջ:
2. Թող ոչ ոք չխաբվի. ով Խորանի շուրջը չէ, զուրկ է մնում «Աստծո Հացից»[1]: Արդարև, եթե մեկ կամ երկու անձանց աղոթքն այդքա՜ն արդյունավետ է, որքա՜ն առավել ևս արդյունավետ կլինի Եպիսկոպոսի ու ամբողջ Եկեղեցու աղոթքը[2]:
3. Ով չի մասնակցում միասնական խորհրդակատարությանը, սրտով ամբարտավան է, և արդեն իսկ կայացրել է իր դատաստանը, քանզի գրված է. «Աստված հակառակ է ամբարտավաններին»[3]: Ջանանք, ուստի, չհակառակվել Եպիսկոպոսին, որպեսզի ենթակա լինենք Աստծուն: