Զգուշացնում եմ ձեզ մարդակերպ գազաններից
Դ. – 1. Այս ճշմարտությունների վերաբերյալ հորդորում եմ ձեզ, սիրելիներ, իմանալով, որ դուք էլ միևնույն համոզումներն ունեք: Զգուշացնում եմ ձեզ մարդակերպ գազաններից[1]. ո՛չ միայն չպետք է ընդունեք նրանց, այլև, եթե հնարավոր է, և ո՛չ իսկ հանդիպեք նրանց: Նրանց համար աղոթելն է միայն լավ, որպեսզի թերևս կարողանան դարձի գալ, ինչը որ հեշտ չէ: Բայց դրան ի զորու է Հիսուս Քրիստոսը. Նա է մեր ճշմարիտ կյանքը:
2. Արդարև, եթե մեր Տիրոջ կողմից կատարված գործերը սոսկ երևութապես էին, ուրեմն ես էլ սոսկ երևութապես եմ շղթայված: Ուրեմն ինչո՞ւ կամովին հանձնվեցի մահվանը՝ կրակի, սրի, գազանների միջոցով: Որովհետև սրին մոտիկ՝ նշանակում է Աստծուն մոտիկ: Գազաններով շրջապատված լինել՝ նշանակում է Աստծո հետ լինել: Կարևորն այն է, որ դա կատարվի միմիայն Հիսուս Քրիստոսի Անունով: Նրան չարչարակից լինելու համար եմ ես ամեն ինչի համբերում, քանի որ ինձ զորացնում է հենց Նա, Ով կատարյալ մարդ դարձավ[2]: