Կրկին համախոհության կոչ
ԺԳ. – 1. Ջանացեք հաստատուն մնալ Տիրոջ և Առաքյալների ուսմունքի մեջ, որպեսզի այն ամենը, որ անում եք, հաջողվի ձեզ[1] մարմնի և հոգու մեջ, հավատքի և սիրո մեջ, Որդու և Հոր և Հոգու մեջ, սկզբում և վերջում, ձեր արժանավորագույն Եպիսկոպոսի հետ միությամբ, և այն թանկարժեք հոգևոր պսակի, որ ձեր քահանաներն են և ձեր սարկավագները, Աստծո համաձայն:
2. Հնազանդ եղեք Եպիսկոպոսին և միմյանց[2], ինչպես Հիսուս Քրիստոսը որպես մարդ հնազանդ եղավ Հորը, և ինչպես Առաքյալները հնազանդ եղան Քրիստոսին և Հորը և Հոգուն, որպեսզի մարմնավոր և հոգևոր միաբանություն լինի: