Հեզ եղեք, խոնարհ, քաղցրաբարո
Ժ. – 1. Ուրիշ մարդկանց համար ևս «անդադար աղոթեցեք»[1]: Արդարև, նրանց մեջ ներկա է դարձի մի հույս, որպեսզի հանդիպեն Աստծուն: Թույլ տվեք նրանց ուսուցումներ գտնել գոնե ձեր գործերի միջոցով[2]:
2. Նրանց ցասման դիմաց դուք հեզ եղեք. նրանց պարծենկոտության դիմաց դուք եղեք խոնարհ. նրանց անարգանքներին հակադրեցեք ձեր աղոթքները. նրանց սխալների դիմաց դուք «հաստատուն մնացեք հավատքի մեջ»[3]. նրանց խայթող խստության դիմաց դուք եղեք քաղցրաբարո: Մի՛ ջանացեք նմանվել նրանց:
3. Այնպես վարվենք, որ բարությամբ նրանց եղբայրները լինենք բացահայտ կերպով: Ջանանք նմանվել Տիրոջը[4], – ո՞վ է Նրանից ավելի տառապել հանիրավի, ո՞վ է Նրանից ավելի զրկանքներ կրել, մերժվել, – որպեսզի սատանայի ոչ մի չար արմատ չգտնվի ձեր մոտ, այլ՝ ամենայն մաքրությամբ ու իմաստությամբ մնաք Հիսուս Քրիստոսի մեջ, մարմնով և հոգով[5]: