Հերետիկոսության թունավոր խոտը
Զ. – 1. Ուստի հորդորում եմ ձեզ, – ո՛չ թե ես, այլ՝ Հիսուս Քրիստոսի սերը. քրիստոնեական կերակուրով միայն սնվեցեք և հեռու մնացեք այն օտար խոտից, որ հերետիկոսությունն է:
2. Արդարև, կան ոմանք, ովքեր Հիսուս Քրիստոսին խառնում են իրենց[1], որպեսզի հավատքի արժանի թվան: Այդպես վարվելով՝ նմանվում են նրանց, ովքեր մահաբեր թույն են տալիս՝ գինուն և մեղրին խառնած: Ով չի անդրադառնում դրան, հաճույքով – աղետաբեր հաճույքով – խմում է մահը:
[1] Ուշադրության արժանի է փաստը, որ Իգնատիոսի համաձայն հերետիկոսը ո՛չ թե իրեն խառնում է Քրիստոսին, այլ՝ Քրիստոսին իրեն, այսինքն՝ ո՛չ թե ուսուցանում է միևնույն քրիստոնեական հավատքը, պարզապես ինչ-ինչ սխալներով, այլ՝ ուսուցանում է մի բան, որն ամբողջովին իրենն է, պարզապես հրամցնում է Քրիստոսի անվան ներքո, որպեսզի հավատալի թվա: