Հրաժեշտի ողջույններ
ԺԲ. – 1. Ձեզ ողջունում է Տրովադայի եղբայրների սերը: Այնտեղից եմ գրում ձեզ Բուրրոսի միջոցով. նրան – եփեսացիների՝ ձեր եղբայրների հետ համաձայնությամբ – ուղարկեցիք իմ հետ և նա ինձ մխիթարանք եղավ ամեն ինչում: Երանի՜ թե ամեն ոք նրա նման լիներ, քանի որ տիպար օրինակ է, թե ինչպէ՛ս է հարկավոր ծառայել Աստծուն: Տիրոջ շնորհը վարձահատույց կլինի նրան ամեն ինչում:
2. Ողջունում եմ Աստծուն արժանի ձեր Եպիսկոպոսին[1], քահանայից սրբազան դասին, սարկավագներին՝ իմ ծառայակիցներին, և բոլորին – անհատաբար և միասին – Հիսուս Քրիստոսի անվամբ, Նրա մարմնով և արյամբ, Նրա չարչարանքներով և հարությամբ, Աստծո և ձեր հետ մարմնի ու հոգու միությամբ: Շնորհ ձեզ, ողորմություն, խաղաղություն և հարատևություն ընդմիշտ:
ԺԳ. – 1. Ողջունում եմ իմ եղբայրների ընտանիքներին, կանանց և որդիների հետ միասին, և «այրիներ» կոչվող կույսերին[2]: Անհողդողդ մնացեք Հոգու զորությամբ: Ձեզ ողջունում է Փիլոնը, որ իմ հետ է:
2. Ողջունում եմ Տավիայի ընտանիքին և մաղթում եմ, որ հիմնված լինի հավատքի և մարմնավոր ու հոգևոր սիրո վրա: Ողջունում եմ ինձ շատ սիրելի Աղկիային, աննման Դափնոսին, Եվտեկնոսին և բոլորին անուն առ անուն: Անհողդողդ մնացեք Աստծո շնորհի մեջ: