Նոր թթխմորը. Հիսուս Քրիստոս

Ժ. – 1. Անզգա չլինենք, ուստի, Նրա բարյացակամությանը: Որովհետև եթե Նա նմանվեր մեզ, վարվելով այնպես՝ ինչպես վարվում ենք մենք, մենք այլևս գոյություն չէինք ունենա: Ուստի, Նրան աշակերտելով՝ սովորենք ապրել Քրիստոնեության համաձայն: Արդարև, ով այս անունից տարբեր անունով է ներկայանում, Աստծունը չէ^[1]:

2. Դեն նետեցեք հնացած, թթված ու փչացած թթխմորը, և խմորվեցեք նոր թթխմորով, որ Հիսուս Քրիստոսն է^[2]: Թող որ Նա լինի ձեր կյանքի աղը, որպեսզի ձեզնից ոչ ոք չփտի ու չապականվի, քանի որ ձեր հոտի հիման վրա եք դատվելու^[3]:

3. Անհեթեթ հակասություն է խոսել Հիսուս Քրիստոսի մասին և հետևել հրեական սովորույթներին: Իրոք, Քրիստոնեությունը չէ, որ հավատացել է հուդայականությանը, այլ՝ հուդայականությունն է դարձի եկել Քրիստոնեության, որի մեջ հավաքվեցին բոլոր նրանք, ովքեր հավատում են Աստծուն: