ՍԲ. ՀԱԿՈԲ ՍԱՐՈՒԳԱՑԻ. « ԲՈԼՈՐ ՍՐԲԵՐԸ ՄԱՐԻԱՄԻ ՈՐԴՈՒՆ ԵՆ ԵՐԱԽՏԱԳԻՏՈՒԹՅՈՒՆ ՀԱՅՏՆՈՒՄ ԻՐԵՆՑ ՍՐԲՈՒԹՅԱՆ ՀԱՄԱՐ »
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
Սբ. Հակոբ Սարուգացու (կամ՝ Բաթնայացու, 450-521) « Սբ. Կույս Մարիամ Աստվածածնի մասին Քարոզ »ից.
[...] Մարիամը երանելի է, որովհետև իր մեջ պարփակեց Սուրբ Հոգուն, որն իրեն մաքրագործեց, սրբեց և դարձրեց մի տաճար, ուր բնակություն հաստատեց բարձրագույն երկնքի Տերը: Երանելի է, որովհետև պահպանեց կուսության զմայլելի պայծառությունը և իր անունը մեծապայծառ փայլելու է հավիտյանս հավիտենից։ Երանելի է, որովհետև նորոգեց Ադամի սերունդը, ոտքի կանգնեցրեց ընկածներին, որոնք արտաքսվել էին հայրական տնից: Երանելի է, որովհետև ամուսնական միությունից վեր բարձրացվելով՝ կարողացավ, մյուս մայրերի նման, նայել իր սիրեցյալ որդուն առանց ամոթից կարմրելու։ Երանելի է, որովհետև իր մարմինը երբեք չպղծվեց [ապօրինի] հաճույքով, այլ մանավանդ թե՝ սրբագործվեց իր կուսության մարմնեղեն պտուղով։
Նա երանելի է, որովհետև իր անձուկ ու անպտուղ որովայնում բնակվեց Անսահմանը, որով լի են երկինքները, և երկինքները չեն կարողանում Նրան բովանդակել: Երանելի է, որովհետև ծնեց այն Հինավուրցին, ով կյանք էր տվել Ադամին, և որովհետև իր միջոցով նորոգվեցին հնությամբ մահացող բոլոր արարածները: Երանելի է, որովհետև իր կուրծքը տվեց Նրան, ում ակնարկով սանձազերծվում են ծովի կոհակները: Երանելի է, որովհետև կրեց այն հավիտենական Հերոսին, ով կրում է աշխարհը Իր ծածուկ զորությամբ, գրկեց Նրան և իր սրտին սեղմեց սեփական զավակի նման: Երանելի է, որովհետև բանտարկյալների համար ծնեց մի Ազատարար, որն իր հրայրքով փշրեց շղթաները և խաղաղություն բերեց երկրի վրա: Երանելի է, որովհետև իր մաքուր շուրթերով կարողացավ համբուրել բերանը Նրա, որի կիզիչ բոցերը ետ ընկրկել են տալիս հրեղեն սերովբեներին: Երանելի է, որովհետև մաքուր կաթով կերակրեց Նրան, որից – կարծես մայրական մի անսպառ կրծքից – կյանք է ծծում աշխարհն ամբողջ: Երանելի է, որովհետև բոլոր Սրբերն իր Որդուն են երախտագիտություն հայտնում իրենց սրբության համար:
Եվ թող որ գովաբանվի Նա, ով մեր համար կամեցավ սրբորեն ճառագայթել Մարիամի անարատությունից: [...]