4) Տիեզերքի ստեղծումը ի հավիտենի՞ց է, թե՞ ժամանակի մեջ
- 01
- 02
- 03
- 04
- 05
-
06
-
-
07
-
- 1) Նախագիտելիք
- 2) Երկրի վրա պատահական էակներ կան
- 3) Պատահական էակներն իրենք իրենց մեջ չունեն իրենց գոյության պատճառը
- 4) Պատահական էակների գոյության պատճառը հարկավոր է փնտրել որևէ անհրաժեշտ էակի մեջ, որն ինքն իր մեջ կունենա իր գոյության պատճառը: Այդ անհրաժեշտ էակն Աստված է
- 5) Մի հարց
- 6) Հավելված. – ՄԱՐԴԿԱՅԻՆ ՀՈԳՈՒ ԾԱԳՈՒՄԸ
-
- 1) Նախագիտելիք
- 2) Տիեզերքում զմայլելի կարգուկանոն կա, որ մի նպատակի է ձգտում
- 2.1) Կարգուկանոնը նյութական աշխարհում
- 2.2) Նպատակային կարգուկանոնը բուսական աշխարհում
- 2.3) Նպատակային կարգուկանոնը կենդանական աշխարհում
- 2.4) Նպատակային կարգուկանոնը մեր հինգ զգայարաններում և մարմնի տարբեր օրգաններում
- 3) Այս կարգուկանոնը ենթադրում է բարձրագույն իմացականությամբ օժտված Հեղինակի գոյությունը
- 4) Այդ Հեղինակն Աստված է
-
08
- 09
- 10
Արիստոտելը և որոշ արաբ փիլիսոփաներ պաշտպանում են այն տեսակետը, որ տիեզերքն Աստծո կողմից ստեղծվել է ի հավիտենից (հավիտենության մեջ):
Ահա՛ իրենց ապացույցը: Աստծո մեջ ոչ մի փոփոխություն չի կարող գոյություն ունենալ: Ժամանակի մեջ եղած որևէ արարչագործություն փոփոխություն է ենթադրում Աստծո մեջ: Այսպիսով, Աստված ի հավիտենից է ստեղծել տիեզերքը:
Պատասխան: Ընդունում ենք, որ Աստծո մեջ փոփոխություն չի կարող գոյություն ունենալ:
Սակայն Աստված, տիեզերքը ժամանակի մեջ ստեղծելով, ոչ մի փոփոխություն չի կրում: Ստեղծագործության մեջ բոլոր փոփոխությունները ստեղծվող տիեզերքի մեջ են կատարվում, այլ ո՛չ թե՝ Ստեղծող Աստծո:
Այո՛, պետք է, որ Աստված ի հավիտենից կամենար տիեզերքի՝ ժամանակի մեջ ստեղծվելը: Սակայն սրանից չի հետևում, որ Աստված ի հավիտենից է ստեղծել տիեզերքը:
Ահա՛ մի օրինակ, որը թեև անկատար է, սակայն թույլ է տալիս որոշակիորեն պատկերացում կազմել մեր ասածների մասին: Թագավորն իր իշխանության առաջին վայրկյանին որոշում է քաղաք հիմնել: Այստեղից չի հետևում, որ առաջին վայրկյանին քաղաքը կառուցվում է: Մյուս կողմից, սակայն, երբ չորս-հինգ տարի հետո իրականացնում է իր որոշած քաղաքի կառուցումը, սրանով թագավորի ծրագիրն ու որոշումը ոչ մի փոփոխություն չեն կրում:
Հետևաբար, չենք կարող ասել, թե տիեզերքն անպայման ի հավիտենից է ստեղծվել: Տիեզերքի էակները, լինելով պատահական էակներ, կարող են լինել ու չլինել, կարող են ի հավիտենից ստեղծված լինել, կարող են ժամանակի մեջ սկսած լինել իրենց գոյութունը:
Չմոռանանք նաև, որ ժամանակ հասկացողությունը, տարածություն հասկացողության հետ միասին, սկսվում է հենց արարչագործությամբ։ Արարչագործության առաջին պահը դա հենց ժամանակի սկիզբն է, ուստի նյութական արարչագործության հաջորդական բոլոր քայլերը կատարվում են ժամանակի ու տարածության ներսում։