5) Մի առարկություն
- 01
- 02
- 03
- 04
- 05
-
06
-
-
07
-
- 1) Նախագիտելիք
- 2) Երկրի վրա պատահական էակներ կան
- 3) Պատահական էակներն իրենք իրենց մեջ չունեն իրենց գոյության պատճառը
- 4) Պատահական էակների գոյության պատճառը հարկավոր է փնտրել որևէ անհրաժեշտ էակի մեջ, որն ինքն իր մեջ կունենա իր գոյության պատճառը: Այդ անհրաժեշտ էակն Աստված է
- 5) Մի հարց
- 6) Հավելված. – ՄԱՐԴԿԱՅԻՆ ՀՈԳՈՒ ԾԱԳՈՒՄԸ
-
- 1) Նախագիտելիք
- 2) Տիեզերքում զմայլելի կարգուկանոն կա, որ մի նպատակի է ձգտում
- 2.1) Կարգուկանոնը նյութական աշխարհում
- 2.2) Նպատակային կարգուկանոնը բուսական աշխարհում
- 2.3) Նպատակային կարգուկանոնը կենդանական աշխարհում
- 2.4) Նպատակային կարգուկանոնը մեր հինգ զգայարաններում և մարմնի տարբեր օրգաններում
- 3) Այս կարգուկանոնը ենթադրում է բարձրագույն իմացականությամբ օժտված Հեղինակի գոյությունը
- 4) Այդ Հեղինակն Աստված է
-
08
- 09
- 10
Գլխավոր զենքը, որից կառչած են պանթեիստները ինքնապաշտպանության համար, հետևյալ առարկությունն է:
Աստված անհուն է և ամենակատարյալ, որի կատարելությունը ո՛չ ավելանում է, ո՛չ էլ պակասում:
Եվ ուրեմն, եթե տիեզերքը Աստծուց անջատ և տարբեր իրականություն է, այդ ժամանակ Աստված դադարում է լինել անհուն և ամենակատարյալ էակ, որովհետև Աստված չի ունենում տիեզերքի կատարելությունները: Աստծո և տիեզերքի կատարելությունները միասին ավելի շատ են, քան միայն Աստծո կատարելությունները:
Այսպիսով, կա՛մ պետք է ժխտել Աստծո գոյությունը, կա՛մ ժխտել տիեզերքի գոյությունը, կա՛մ էլ ընդունել, որ Աստված և տիեզերքը միևնույն և միակ իրականությունն են:
Աստված, որպես յուրաքանչյուր էակի առաջին պատճառ, պետք է ունենա այդ էակների բոլոր կատարելությունները՝ գերազանց և անհուն աստիճանով:
Տիեզերքի էակների կատարելությունները ուրիշ չեն, եթե ո՛չ՝ մասնակցություն աստվածային կատարելություններին:
Աստծո անհուն կատարելությունները ո՛չ կավելանան տիեզերքի կատարելություններով և ո՛չ էլ կպակասեն տիեզերքի ոչնչացումով: Ճիշտ այնպես, ինչպես թագավորի իշխանությունը չի ավելանա իր նախարարների իշխանությամբ և ո՛չ էլ կնվազի նրանց իշխանության վերացումով: Նախարարների թիվը որքան էլ շատանա կամ քչանա, թագավորի իշխանությունը կմնա անփոփոխ, որովհետև բոլոր նախարարների իշխանությունները գերազանց աստիճանով արդեն գտնվում են թագավորի գերագույն իշխանության մեջ:
Գիտության մեջ ընդունված ճշմարտություն է արդեն, որ անհուն քանակի վրա նոր քանակ ավելացնելով անհուն քանակն անփոփոխ է մնում:
Նմանապես Աստծո աննյութ և անքանակ անհուն էությունը կմնա անփոփոխ, եթե նույնիսկ տիեզերքի բոլոր կատարելություններն էլ ավելացնելու լինենք Նրա վրա:
Ուրիշ օրինակներ:
Ծովանկարիչ Վարդան Մախոխյանի որևէ նկարի օրինակները որքան էլ բազմացնենք, այդ նկարի արժեքը երբեք չի փոխվի: Այդպես էլ էակների բազմությունը ոչինչ չի ավելացնի Աստծո անհուն կատարելությանը:
Նմանապես, աշակերտների գիտելիքները ոչինչ չեն ավելացնի ուսուցչի գիտելիքներին: Աստված, որ լիություն է ամեն բանի, ո՛չ կհարստանա՝ ինչ-որ բան ստանալով, ո՛չ էլ կաղքատանա՝ ինչ-որ բան ուրիշին հաղորդելով:
Հետո, երկու տարբեր դասի պատկանող կատարելությունները չի կարելի իրար գումարել: Օրինակ, որքան էլ բազմացնելու լինենք անկենդան էակների թիվն ու քանակը, նրանք երբեք չեն կարողանա բուսական կյանքի կատարելությանը հավասարվել, երբեք չեն կարողանա բուսական կյանքի արժեքը փոխել:
Նմանապես բույսերը, որքան էլ բազմանան, չեն կարողանա զգայական կյանքի կատարելությունը ավելացնել կամ պակասեցնել։
Այսպես էլ, Անհունը և սահմանափակը չի կարելի իրար գումարել, որովհետև իրարից տարբեր դասերի են պատկանում:
Հետևաբար, գոյություն ունի թե՛ Աստված՝ որպես անհուն Էակ, և թե՛ տիեզերքը՝ որպես սահմանափակ:
Սահմանափակ տիեզերքն առանց Աստծո չի կարող գոյություն ունենալ, բայց Աստված առանց տիեզերքի կա ու կմնա հավիտյան: