5) Մի հարց
- 01
- 02
- 03
- 04
- 05
-
06
-
-
07
-
- 1) Նախագիտելիք
- 2) Երկրի վրա պատահական էակներ կան
- 3) Պատահական էակներն իրենք իրենց մեջ չունեն իրենց գոյության պատճառը
- 4) Պատահական էակների գոյության պատճառը հարկավոր է փնտրել որևէ անհրաժեշտ էակի մեջ, որն ինքն իր մեջ կունենա իր գոյության պատճառը: Այդ անհրաժեշտ էակն Աստված է
- 5) Մի հարց
- 6) Հավելված. – ՄԱՐԴԿԱՅԻՆ ՀՈԳՈՒ ԾԱԳՈՒՄԸ
-
- 1) Նախագիտելիք
- 2) Տիեզերքում զմայլելի կարգուկանոն կա, որ մի նպատակի է ձգտում
- 2.1) Կարգուկանոնը նյութական աշխարհում
- 2.2) Նպատակային կարգուկանոնը բուսական աշխարհում
- 2.3) Նպատակային կարգուկանոնը կենդանական աշխարհում
- 2.4) Նպատակային կարգուկանոնը մեր հինգ զգայարաններում և մարմնի տարբեր օրգաններում
- 3) Այս կարգուկանոնը ենթադրում է բարձրագույն իմացականությամբ օժտված Հեղինակի գոյությունը
- 4) Այդ Հեղինակն Աստված է
-
08
- 09
- 10
Եթե անհրաժեշտ չէ տիեզերքի՝ անպայման ի հավիտենից ստեղծված լինելը, հնարավո՞ր է արդյոք, որ տիեզերքն ի հավիտենից գոյություն ունեցած լինի:
Քրիստոնեական հավատքը մեզ սովորեցնում է, որ ներկա տիեզերքը իրապես ժամանակի մեջ է գոյություն ունեցել և ո՛չ թե ի հավիտենից:
Բայց արդյոք որևէ հակասություն կա՞ ի հավիտենից արարչագործության մեջ: Չէ՞ որ Աստված ի հավիտենից գոյություն ունի, ուստի կարող է նաև ի հավիտենից տիեզերքը ստեղծել:
Անվանի փիլիսոփաներն իրար հետ համաձայն չեն այս հարցի լուծման առումով:
Ոմանք, այդ թվում՝ Սբ. Թովմա Աքուինացին, ոչ մի հակասություն չեն տեսնում ի հավիտենից տիեզերքի ստեղծման մեջ: Համաձայն Սբ. Թովմայի, ի հավիտենից ստեղծված որևէ տիեզերք չպիտի դադարեր երբեք պատահական, կախումնավոր և փոփոխական արդյունք լինելուց, այնպես՝ ինչպես ի հավիտենից գոյություն ունեցող պտուղն ի հավիտենից էլ կախումնավոր պիտի լիներ իր ծառից:
Սակայն ուրիշ փիլիսոփաներ, օրինակ՝ Սբ. Ալբերտ Մեծը (Սբ. Թովմա Աքուինացու ուսուցիչը) և Սբ. Բոնավենտուրան, անկարելի են համարում նյութական տիեզերքի ի հավիտենից արարումը: