ԳԼՈՒԽ Ժ. – ՊԱՏՃԱՌԱԿԱՆՈՒԹՅԱՆ ՕՐԵՆՔԸ
- 01
- 02
- 03
- 04
- 05
-
06
-
-
07
-
- 1) Նախագիտելիք
- 2) Երկրի վրա պատահական էակներ կան
- 3) Պատահական էակներն իրենք իրենց մեջ չունեն իրենց գոյության պատճառը
- 4) Պատահական էակների գոյության պատճառը հարկավոր է փնտրել որևէ անհրաժեշտ էակի մեջ, որն ինքն իր մեջ կունենա իր գոյության պատճառը: Այդ անհրաժեշտ էակն Աստված է
- 5) Մի հարց
- 6) Հավելված. – ՄԱՐԴԿԱՅԻՆ ՀՈԳՈՒ ԾԱԳՈՒՄԸ
-
- 1) Նախագիտելիք
- 2) Տիեզերքում զմայլելի կարգուկանոն կա, որ մի նպատակի է ձգտում
- 2.1) Կարգուկանոնը նյութական աշխարհում
- 2.2) Նպատակային կարգուկանոնը բուսական աշխարհում
- 2.3) Նպատակային կարգուկանոնը կենդանական աշխարհում
- 2.4) Նպատակային կարգուկանոնը մեր հինգ զգայարաններում և մարմնի տարբեր օրգաններում
- 3) Այս կարգուկանոնը ենթադրում է բարձրագույն իմացականությամբ օժտված Հեղինակի գոյությունը
- 4) Այդ Հեղինակն Աստված է
-
08
- 09
- 10
«Յուրաքանչյուր էակ իր բավարար պատճառն ունի, կա՛մ իր մեջ, կա՛մ իրենից դուրս»:
Սա «բավարար պատճառի» ընդհանրական օրենքն է, ինչի անմիջական հետևանքն ու մասն է «Պատճառականության օրենքը», որն ասում է.
«Այն էակը, որն իր մեջ չունի իր լինելու [գոյության] պատճառը, պետք է մեկ ուրիշի մեջ ունենա այն»:
Պատճառականության այս օրենքը կարելի է բանաձևել նաև այսպես. «Յուրաքանչյուր արդյունք իր պատճառն ունի», և կամ ավելի ճշգրիտ՝ «Յուրաքանչյուր պատահական էակ իր պատճառն ունի»: Պատահական էակ ասելով հասկանում ենք այն էակը, որը կարող է լինել ու չլինել, որի լինելը իր էությանը չի պատկանում, որն իր լինելը [գոյությունը] մեկ ուրիշից է վերցրել:
Ուրեմն, «Պատճառականության օրենքի» համաձայն, այն ամենը, ինչն իր մեջ չունի իր բացատրությունը, պետք է բացատրվի ուրիշ էակով: Օրինակ՝ սենյակը տաք է. ո՞րն է տաքության պատճառը: Սենյակը չէ, անտարակույս, քանի որ այն չի կարող ինքնիրեն տաքացնել: Այսպիսով, սենյակը չէ տաքության պատճառը, անհրաժեշտ է, որ ուրիշից ստանա իր տաքությունը, այն է՝ վառարանից:
Մեկ ա՛յլ օրինակ. շեփորի ձայն եմ լսում: Շեփորն ինքնիրեն չի կարող ձայն հանել. ուրեմն, շեփորահարի ներկայությունն անհրաժեշտ է՝ շեփորի ձայնին բացատրություն տալու համար:
