Դանիելե Քոմբոնի. սևամորթների պաշտպանը
- 01
- 02
-
03
-
-
04
-
-
05
-
-
06
-
-
07
-
-
08
-
-
09
-
-
10
-
-
11
-
-
12
-
-
13
-
-
14
-
-
15
-
-
16
-
-
17
-
-
18
-
-
19
-
- 20
[1] OLIVIER PÉTRÉ GRENOUILLEAU, La tratta degli schiavi, p. 303. Երբ քննության է առնվում Քոմբոնիի պայքարը, որի նպատակն էր սևամորթ ստրուկներին ազատելը արաբների կեղեքումներից, հարկավոր է գոնե հպանցիկ կերպով հիշել կրոնավորական Միաբանություններից այն երկուսի գոյությունը եվրոպական պատմության մեջ, որոնք հիմնվել են Միջնադարում, բայց կան և գործում են մինչև այսօր. խոսքս վերաբերվում է Տրինիտարներին և Մերչեդարներին: Առաջինը հիմնվել է ֆրանսիացի վանական Ժան Մաթհացու կողմից, մի Կանոնադրությամբ, որը հաստատվել և վավերացվել է Իննովկենտիոս Երրորդ Պապի կողմից 1198 թվականին: Երկրորդի հիմնադիրն է իտալացի Պիետրո Նոլասկոն, որի Կանոնադրությունը հաստատել և վավերացրել է Գրիգոր Իններորդ Պապը 1235 թվականին: Այս Միաբանությունների գլխավոր գործունեություններից մեկն այն էր, որ նվիրվում էին մուսուլման սարակինոսների կողմից գերեվարված ու ստրկացված քրիստոնյաների փրկագնմանը: Հազարավոր քրիստոնյաներ էին տեղահանվում սարակինոսների և մուսուլմանական ա՛յլ ցեղախմբերի կողմից՝ Միջերկրականի ափամերձ շրջանների վրա իրենց այլևս սովորական դարձած ավազակային հարձակումների ժամանակ: Նրանց փրկագնելու համար այս կրոնավորները գումար էին հավաքում ժողովրդի, ազնվական ընտանիքների, Եպիսկոպոսների ու Քահանայապետների կողմից շնորհված նվիրատվություններով: Հավաքված գումարները վերցնելով, փրկարար կրոնավորներն իրենց սեփական կյանքը լուրջ վտանգի տակ դնելով՝ գնում էին Հյուսիսային Աֆրիկայի ափերը և թուրքական բանտերը, ուր փակված պահում էին գերիներին, մուսուլմանների հետ բանակցելու, գերիների փոխարեն վճարելու և նրանց ազատ արձակելու համար: Եթե բանակցությունը հաջող ավարտ չէր ունենում, կրոնավորն իրեն հանձնում էր ստրկության՝ ուրիշ ինչ որ մեկի փոխարեն: Անթիվ Մերչեդարներ են մահացել նման բանակցությունների ժամանակ, բայց հազարավոր ստրուկներ են կարողացել փրկել և վերադարձնել ազատության: Մեր ժամանակներում, երկու Միաբանությունների գործունեությունն ուղղված է հատկապես ստրկության նոր ձևերի դեմ պայքարին, օրինակ՝ ընդդեմ մարդկային օրգանների ապօրինի վաճառքի (ի մասնավորի Չինաստանում և Հեռավոր Արևելքի ա՛յլ երկրներում) և երեխաների վաճառքի ու կազմակերպված պոռնկացման: