Կախարդությունը ժամանակակից Աֆրիկայում
- 01
- 02
-
03
-
-
04
-
-
05
-
-
06
-
-
07
-
-
08
-
-
09
-
-
10
-
-
11
-
-
12
-
-
13
-
-
14
-
-
15
-
-
16
-
-
17
-
-
18
-
-
19
-
- 20
Պատմական երկրորդ ճշմարտությունը, որ կուզենայի կրկին ընդգծել, այն է, որ կախարդությունը տակավին այսօր էլ լայնորեն տարածված է այնտեղ, որտեղ Քրիստոնեությունը չի գրավել տեղի ավանդական անիմիզմի տեղը. օրինակ, Աֆրիկայի երկրների մեծամասնության մոտ:
Վերջերս Գամբիայի նախագահն «իր շուրջն է հավաքել վարձկան շամանների մի գունդ, որոնց օգնությամբ մաղի է անցկացրել բոլոր գյուղերը և հազարավոր կասկածյալների պատժել է՝թունավորելով ինչ որ մի խոտի ծխով, որն ի զորու է սպանելու մարդկանց կամ հասցնելու խելագարության»:
Հակավհուկային վաշտերը, որոնք կազմված են “բարի” վհուկներից, մտնում են գյուղերը, բռնում են հարյուրավոր և հարյուրավոր մարդկանց, գրեթե պատահականության սկզբունքով, և նրանց ստիպում են խմել «խոտերից պատրաստված գարշահոտ ու նողկալի մի թուրմ». «Ով կուլ է տալիս այդ թուրմը, բացի այն, որ դատապարտվում է անդադար փսխոցներից ու փորհարությունից սպառվելու, կորցնում է նաև խելքը, գլխիկոր վազում ու խփվում է պատերին կամ ամեն կերպ ջանում է փորել հողը և թաղել ինքն իրեն: Շատերը մահանում են ժամեր կամ օրեր տևող տանջանքներից հետո: Ուրիշներն էլ, թեև ողջ են մնում, այլևս երբեք ուշքի չեն գալիս և մի խսիրի վրա պառկած՝ դատապարտվում են զգայազուրկ վիճակի, գլուխները շարունակ տարուբերելով ու անկապ նախադասություններ արտասանելով»[1]:
Նմանապես Նիգերիայում, «տարեկան հազարավոր երեխաներ կասկածվում են կախարդ լինելու մեջ, անդամահատվում են կամ սպանվում: Երեխաների մեջ դիվահարներ փնտրելու սովորությունը ցավոք շատ տարածված է Աֆրիկայում, ուր ամենօրյա կյանքը հյուսված է սնապաշտություններով, ժողովրդական հավատալիքներով, հուռութքներով ու գուշակություններով»[2]:
Հնարավոր հարյուրավոր և հարյուրավոր օրինակներից մեջբերենք ևս մեկը: «Ansaե լրատվական գործակալությունն իր 24 Հուլիս 2009 թողարկման մեջ գրում է. «Նայրոբի, 24 Հուլիս. – Իննը մարդ Բուրունդիում դատապարտվել է կախարդության համար, որովհետև մեղավոր են ճանաչվել առնվազն 12 լսնամաշկ մարդկանց սպանության համար: Լուրը տարածել է BBC-ի համացանցային տարբերակը: Լսնամաշկ մարդկանց սպանության հետ կապված առաջին դատավարությունն է, որ հասցվում է իր ավարտին: Լսնամաշկ մարդկանց սպանության երևույթը խիստ տարածված է այդ երկրներում: Զոհերի մարմինների անդամների մի մասը – ձեռքերը, ոտքերը և սեռական օրգանները ամենապահանջվածն են – մաքսանենգ ճանապարհով տարվում են Թանզանիա, ուր կախարդների ու վհուկների կողմից գործածվում են սիրո և գործերի մեջ իբր հաջողություն ապահովող մոգական թուրմեր պատրաստելու համար»: