Քայլեր ցամաքության մեջ
-
01
-
-
02
-
- 1886 թվականի Սուրբ Ծննդյան շնորհը
- Հոգիներ փրկելու եռանդն ու առաջին արդյունքը
- Հրապուրվելը պատմությամբ ու գիտություններով – Բարեպաշտ ընթերցումները
- Մտերմությունը Սելինի հետ – 15 տարեկանում Կարմեղոս մտնելու փափագը
- Հոր համաձայնությունը
- Խոչընդոտներ Գերեն մորեղբոր և վանքի խոստովանահոր կողմից
- Ապարդյուն փորձը Բեյեոյի Եպիսկոպոսի մոտ
-
- Ուխտագնացությունը Հռոմ՝ հոր և Սելինի հետ – Փարիզի «Հաղթանակների Տիրամոր» եկեղեցին
- Շվեյցարիան
- Միլանում, Վենետիկում, Պադովայում, Բոլոնիայում
- Լորեթոյի Սուրբ Տան մոտ
- Ժամանումը Հռոմ
- Այցելությունը Հռոմի Սրբազան Քահանայապետ Լևոն Տասներեքերորդ Պապին
- Դառնություն և վստահություն
- Վերադարձի ճանապարհին. Պոմպեյ, Նապոլի, Ասսիզի, Ջենովա
- Նամակներ Բեյեոյի Եպիսկոպոսին – Սպասման երեք ամիսները
-
03
-
- Մի մխիթարիչ երազ
- Վիթխարի և ընդդիմադիր փափագներ
- Եկեղեցում իր անձնական կոչման բացահայտումը. այդ կոչումը Սերն է – Այն իր մեջ բովանդակում է մյուս բոլոր կոչումները և հավերժական է
- Կամովին նվիրումը Սիրույն
- Ծաղիկներ սփռել երգելով
- Պաշտելի Արծվին վստահությամբ սպասող տկար թռչնակի նման
- Աղաչանք «փոքրիկ» հոգիների համար
-
04
-
- Ձոն
- Մայր Մարիամ Գոնձակայից ստացած խստակրոն դաստիարակությունը
- Աստվածային վերելակը
- Առաքելությունը նորընծաների մոտ
- Փեսայի գալստյան ավետումը
- Հավատքի փորձությունը
- Անտարբերությունը կարճ կամ երկար, սիրելի քույրերից հեռու կամ նրանց մոտ անցկացված կյանքի նկատմամբ
- Ապահովություն և խաղաղություն հնազանդության մեջ
- Թե ինչի՛ մեջ է կայանում իրական կատարյալ Սերը
- Հաղթական մարտավարության օրինակներ
- Հարկավոր է գործերով փաստել Սերը
-
- Հոգու աղքատությունը
- Սերը զոհողություններով է սնվում
- Հոգիներ առաջնորդելու դժվարին գործը
- Աղոթքի ուժը
- Նվաստացման կենսատու հացը
- Չդատել
- Քույր Սեն Պիեռը
- Երկու փոքրիկ պայքար
- Երկու քահանա և առաքյալ «եղբայրներ»ը
- «Ձգի՜ր ինձ, ընթանա՜նք ... » – Վերջին երեկոյի աղոթքը
- Բացատրություններ «Ձգի՜ր ինձ» և «Սիրեցյալի անուշահոտ բուրմունք» խոսքերի վերաբերյալ
-
-
05
-
- 06
-
07
-
215. Այդ փորձառությանս շուրջ խոսելուց առաջ, սակայն, կպատմեմ, Մայր իմ սիրելի, օրերն այն հոգևոր կրթության, որ նախորդեց վանական ուխտադրությանս[1]: Մխիթարություններ ընծայելուց շա՜տ հեռու, ինձ այն բացարձակ ցամաքություն բերեց, կամ գրեթե լքվածություն: Ինչպես միշտ, Հիսուսը քնած էր նավակիս մեջ: Ա՜հ, լավ եմ տեսնում, որ հոգիները շատ հազվադեպ են Նրան թողնում խաղաղորեն հանգստանալ իրենց սրտերում: Հիսուսն այնքա՜ն հոգնած է տևական պահանջներից ու նախաձեռնություններից, որ շտապում է օգտվել Իրեն ընձեռածս հանգստից: Վստահ եմ, որ չի արթնանալու հավիտենականության մեծ կրթությունիցս առաջ, բայց դա տրտմեցնելու փոխարեն վիթխարի ուրախություն է ինձ պարգևում:
Իրականում հեռու եմ սրբուհի լինելուց. այս միտքն ինքնըստինքյան արդեն իսկ վիշտ է: Ցամաքությանս համար ուրախանալու փոխարեն այն պետք է սակավ ջերմեռանդությանս ու անբավարար հավատարմությանս վերագրեի, պետք է խորապես վշտանայի, որովհետև մրափում եմ (ահա՛ յոթ տարուց ի վեր) աղոթքներիս ու գոհաբանություններիս ժամանակ: Եվ սակայն, չեմ տրտմում: Մտածում եմ, որ փոքրիկ մանուկներն իրենց ծնողներին հավասարապես հաճելի են և՛ քնած, և՛ արթուն ժամանակ. մտածում եմ, որ վիրահատումներ կատարելու համար բժիշկները թմրեցնում են հիվանդներին: Մտածում եմ, վերջապես, որ «Տերը տեսնում է մեր դյուրաբեկությունը և հիշում, որ միայն հող ենք ու փոշի»[2]:
216. Ուխտադրությանս հոգևոր կրթությունն, ուրեմն, ինչպես բոլոր նախորդները, մեծ ցամաքության մեջ անցկացրեցի: Եվ այնուամենայնիվ, մարդասերն Աստված, առանց իմ անդրադառնալու, շատ պարզ կերպով ցույց էր տալիս Իրեն հաճելի լինելու և ամենավսեմ առաքինություններն անգամ գործադրելու միջոցը: Նկատել եմ զանազան անգամներ, որ Հիսուսը չի կամենում ինձ պաշարներով լիացնել, կազդուրում է ինձ վայրկյան առ վայրկյան, թարմ կերակուրներով, որոնք ինձնում գտնում եմ առանց իմանալու, թե որտեղի՛ց են եկել կամ ինչպե՛ս: Պարզապես վստահ եմ, որ խեղճ սրտիս խորքում թաքնված Հիսուսն Ինքն է, որ գործում է իմ մեջ և մտածել տալիս այն ամենն, ինչը որ կամենում է, որ կատարեմ տվյալ պահին:
Ուխտադրությունիցս մի քանի օր առաջ երջանկությունն ունեցա ստանալու Սրբազան Քահանայապետի օրհնությունը. այն ձեռք էի բերել բարի Եղբայր Սիմեոնի միջոցով, իմ ու Հայրիկի համար: Մեծ մխիթարություն պատճառեց ինձ օրհնության այդ գիրը, որովհետև այդպիսով կարողացա հատուցել Հայրիկին՝ ինձ Հռոմ տանելու շնորհի փոխարեն: