Ուսման տարիները. Փարիզ (1528-1534)
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
1528 թվականին, երբ Փետրվարի 2-ին Իգնատիոսը ժամանեց Փարիզ, արդեն 37 տարեկան էր։ Որոշելով իր կրթությունը նորից սկսել զրոյից և վերսկսել լատիներենի հիմունքները, նա ընդունվեց Մոնթէգյուի դպրոցը և այնտեղ մնաց մինչև 1529 թվականի Հոկտեմբերը։ Այնուհետև ընդունվեց Սրբուհի Բառբառայի վարժարանը՝ փիլիսոփայություն սովորելու։ 1532 թվականին, չորս տարի սովորելուց հետո, Սուրբ Ծննդյան տոնից քիչ առաջ, հանձնեց քննությունը և ստացավ վկայականը։ 1533 թվականի Փետրվարին ևս մեկ քննություն հանձնեց՝ քերականությունից, այնուհետև, վկայականներ ներկայացնելով, որ Արիստոտելի վերաբերյալ մեկնաբանությունների դասընթաց է անցել, սովորել է թվաբանություն, երկրաչափություն և աստղագիտություն, մի շարք քննություններից և Սբ. Հուլիանոս Աղքատի եկեղեցում տեղի ունեցած հանրային բանավեճից հետո՝ ստացավ մագիստրոսի կոչում։ Այդ օրվանից նա իրավունք ուներ այլևս «դասավանդելու, մասնակցելու բանավեճերին, որոշելու և կատարելու բոլոր դպրոցական և ուսուցչական գործողությունները, [...] ինչպես Փարիզում, այնպես էլ ողջ աշխարհում»: Մնում էր միայն դոկտորական քննություն հանձնելը։ Այդ քննությունից առաջ նա աստվածաբանության դասընթացներ էլ անցավ Դոմենիկյանների մոտ։ Դոկտորական պաշտպանությունը տեղի է ունեցել 1534 թվականին, Մեծ Պահքի շրջանում, Իգնատիոսին շնորհվել է գիտական աստիճան և դոկտորական սև կլոր գլխարկ՝ քառակուսի վերնամասով, զարդարված թելերով։
