Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Այդ հալածանքները չկարողացան վնասել Մխիթարի գործին, որը գնալով ընդարձակվում էր. միաբանների թիվը 1704 թվականի վերջին արդեն հասել էր քսանի. հոգևոր կյանքը և ուսումները ձեռք ձեռքի տված՝ վանքում մի մեծ շարժում էին առաջացրել, որը մի գեղեցիկ ապագա էր խոստանում: Մնում էր ներքին բարոյական ամրություն հաղորդել այդ ամենին, որպեսզի արտաքին որևէ բռնության դեպքում, քայքայվելու վտանգից ապահովված լիներ ընդմիշտ: Հռոմեական Եկեղեցին, ամեն տեսակ զեղծումների առաջն առնելու նպատակով, մի օրենք էր հաստատել, որի համաձայն ոչ ոք իրավասու չէր կրոնավորական նոր ընկերություն հիմնել առանց եկեղեցական բարձրագույն իշխանությունների գիտության, հավանության և արտոնումի: Մխիթարն այդ օրենքին հպատակվելով, կամեցավ Սուրբ Աթոռին ներկայացնել իր կողմից հիմնված Միաբանության նպատակն ու կանոնադրությունը և նրա զորավոր հովանավորության ներքո բացել քարոզչության ասպարեզը: Ուստի բոլորի միաբան խորհրդով ընտրեց Հայր Եղիա և Հայր Հովհաննես վարդապետներին, որոնք առաքինի և խոհական անձինք էին, նրանց ձեռքը տվեց այն համառոտ Սահմանադրությունը, որն ինքը շարադրել էր՝ քաղելով Սուրբ Անտոն Աբբայի կյանքից ու կանոններից և ուրիշ Սուրբ Հայրերի խրատներից, ինչպես նաև՝ Կորնթոսի և Զանթայի եպիսկոպոսների կողմից իրեն տրված վկայագրերը և տեղի իշխանների հանձնարարական նամակները, – որոնք մինչև երկինք էին բարձրացնում Մխիթարին և իր Միաբանությունը, – և 1705 թվականին նրանց առաքեց Հռոմ:
Այդ ժամանակ Սուրբ Պետրոսի գահին բազմում էր Կղեմես Տասնմեկերորդը, մեծ և առաքինի Քահանայապետներից մեկը, որն իր ազդեցիկ ձայնը հասցնում էր մինչև Եգիպտոս, մինչև Թաթարների աշխարհը և մինչև Պարսկաստանի ու Չինաստանի խորքերը: Քաջալերում ու խանդավառում էր քարոզիչներին, որպեսզի կրոնի և գիտության լույսը ծավալեին այդ հեռավոր աշխարհներում: Նրա խոսքը արձագանք էր գտնում մինչև իսկ Կոնգոյում, որի թագավորն ու թագուհին իր ժամանակ ընդունեցին Քրիստոնեությունը: Եվրոպային և քաղաքակրթությանը սպառնացող վտանգի առջևն առնելու համար՝ զենքով և դրամով օգնում էր Ավստրիային և Վենետիկին. օգնության ձեռք էր կարկառում ճնշված ազգերին, պաշտպան էր կանգնում բռնադատված իրավունքներին, սովի ու ժանտախտի ճիրաններում տառապող Մարսիլիային դրամ և օգնություն էր հասցնում և նույն ժամանակ, ազդու կոնդակներով, շանթահարում էր Եկեղեցու մեջ սպրդած զեղծումներն ու մոլորությունները: Իր բարձր հովանավորության ներքո ծաղկում էին արվեստները, գիտությունները, նա մեկենաս էր հանդիսանում նկարիչներին ու քանդակագործներին և խրախուսում էր բանաստեղծներին: Ինքն իսկ զբաղվում էր գեղեցիկ դպրությունների մշակումով, հմտությամբ ու կորովով լի ճառեր հրատարակելով: Ժամանակի ականավոր աստղագետներին իր շուրջը հավաքելով, ձեռնարկել էր Գրիգորյան տոմարը վերանորոգելու և Հռոմի մեջ մի միջօրեական հաստատելու գործին: Քանի՜ քանի՜ անգամներ նա իր աթոռանիստ քաղաքն ազատեց թշնամու հարձակումներից, վերականգնեց երկրաշարժի աղետալի կործանումից, գեղեցկացրեց նորանոր շենքերով, գրադարանները ճոխացրեց հազվագյուտ ձեռագրերով. կառուցեց եկեղեցիներ, վարժարաններ, թանգարաններ. ընդարձակեց փողոցները, քանդակազարդ պճնեց Սուրբ Պետրոսի հրապարակի երկշար սյուները, թմբերով սանձեց Տիբերի կատաղությունը, հաշտեցրեց իրար դեմ ոխացող իշխաններին ու վեհապետներին: Եվ այս մեծամեծ ձեռնարկների և արքայավայել շքեղությունների մեջ, ճգնասուն կրոնավորի չափ խստակյաց էր ու սակավապետ, առաքինի ու ներանձնասեր:
Ահա այդ մեծ և լուսամիտ Քահանայապետի մոտ էր Մխիթարն ուղարկում իր աշակերտներին, նրանց հանձնելով նույն ինքն Կղեմես Տասնմեկերորդին ուղղված հավատքի դավանության մի գիր: Այդ դավանագիրն այնպիսի տեղեկություններ է պարունակում Մխիթարի կյանքի որոշակի պարագաների մասին, որոնք բացակայում են և՛ Միաբանությանս ընդարձակ Ժամանակագրության, և՛ Հայր Մատթեոս Եվդոկիացու և Ագոնցի գրած վարքերում. ուստի կարող են հետաքրքրական և շահեկան լինել ընթերցողներին: «Արդ մեք նուաստացեալքս», գրում է, «որք զդաւանութիւնս արարաք, եմք ի կրօնաւորացն Հայոց, ձեւօք և զգեստիւք նոցին եղեալք ի մանկութենէ. և կրօնաւորքն Հայոց զձեւ զգեստուցն ի մեծէն Անտոնէ եգիպտացւոյ աւանդեալ ունին, ըստ որում վկայեն պատմիչքն իւրեանց. վասն որոյ մեք եւս ի ներքոյ նոյնոյ անուանն պահեմք զձեւն Հայոց մինչեւ ցարդ ուղղափառապէս, հանդերձ երիւք սրբովք ուխտիւքն. և եմք թուով իբրեւ քսանք, որոց ութ քահանայք են, միաբանեալք ի մի կամս, և եդեալք ի մտի քարոզել զճշմարտութիւն կաթողիկէ հաւատոյն ի Հայս: Եւ յետ ամաց ինչ քարոզութեան, տեսեալ զի անկար էր ի մէջ Հայոց ստանալ մեզ զվանս, ուր կարիցէաք բազմանալ ուսուցանելով զաշակերտեալսն, վասն որոյ խորհեցաք զի ի մի ի քաղաքաց քրիստոնէից ստանայցեմք մեզ զտեղի բնակութեան. և երեք ամաւ յառաջ քան զայս գոյր հալածումն մեծ ի վերայ մեր և ամենայն ուղղափառաց ի Կոստանդնուպոլիս, և շնորհակալ եմք ի Սրբութենէ Վեհիդ, զի յանձնեալ էիր զամենայն հալածեցեալսն ի ներքոյ նախախնամութեան պաշաթօրացն[1]. որոյ վասն և պաշաթօր Վէնէցիոյ բարձրագունեղ Լօրէնցօ Սօրանցօն, որ այժմ է բուրկուրաթօր Սամարգոյի[2], վասն բանի Սրբութեանդ գթացաւ առնուաստութիւն մեր, և փրկեաց զմեզ յամենայնից նեղչաց մերոց, և ժողովեալ զմեզ ի պալատն իւր պահեաց զաւուրս բազումս, հոգալով զամենայն պիտոյս մեր. և յետ այլոց բազմաց բարերարութեանց՝ յաւել եւս զայս, զի առաքեաց զբնաւքս գրով իւրով ի Մօռա, որով և ետ մեզ պայծառագունեղ բրինչիբէն[3] զտեղիս ուր շինելոց եմք զվանք և զեկեղեցի, և բնակելոց եմք, և ինթրաթ[4] եւս հաստատեաց, որ ընդ մերոյ ունեցելոյն բաւականք են մեզ. և այս երկրորդ ամ է յորմէհետէ եկեալ եմք աստ, և տակավին չեմք շինեալ զվանս մեր, մինչեւ ծանուսցուք զդիտաւորութիւն նուաստութեան մերոյ գերամբարձի Գլխոյդ, և ապա հաւանութեամբ Սրբութեանդ ամենայն ինչ մեր կայասցի: Եւ այսոքիկ են դիտաւորութիւն կացութեանց նուաստացելոցս, կեալ միշտ ձեւով կրօնաւորացն Հայոց, հանդերձ երիւք սրբովք ուխտիւքն, ասել զժամս նոցին [...] և պահել զարարողութիւնս Եկեղեցւոյն Հայոց, նա և զոմանս պահս՝ որք պատշաճին կրօնաւորութեան մերոյ՝ ըստ սովորութեան կրօնաւորացն Հայոց, որպէս զի սոքօք կարիցեմք թարց արգելմանց քարոզել ի մէջ նոցին ըստ չափոյ տկարութեան մերոյ»[5], և այլն: