Գնում է Պոլիս, խնդրելու Կարնեցի Խաչատուր վարդապետի աջակցությունը
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Իր գործի առջև ծառացած այդ առաջին դժվարությունը թեև չկարողացավ ետ պահել Մխիթարին իր մտադրությունից, բայց ծննդավայրը թողնելու և ուրիշ տեղ գնալու պատճառ հանդիսացավ, ավելի նպաստավոր պայմաններում իրականացնելու համար այդ մեծ գաղափարը, որն իր հետ դեռ երեք տարի տանելու էր վանքից վանք և աշխարհից աշխարհ, մինչև դրա առաջին քարը դնելը. և այն էլ՝ կարճ ժամանակի համար, որովհետև նորանոր հալածանքների ու արկածների ալիքներն իրեն ու իր հիմնած կառույցը քշելու և տանելու էին է՛լ ավելի հեռուն, մինչև որ օտար աստղերի ներքո գտներ իր վերջին հանգրվանը: Եվ Մխիթարը չհուսալքվեց, չընկճվեց, իր երկաթե կամքը որևէ հարվածի տակ մնաց անկոտրելի. զարմանալի տոկունության հետ, որը մեծ մարդկանց առաջին հատկանիշն է, ուներ ճկուն մի բնավորություն, որով գիտեր ինքն իրեն հարմարեցնել պարագաներին: Գավառներից հույսը կտրելով, հայացքը դարձրեց դեպի Պոլիս, իշխող պետության մայրաքաղաքը, որը միևնույն ժամանակ Հայ Ազգի բարգավաճ ու ազդեցիկ մասի կենտրոնն էր: Լսել էր համբավը Կարնեցի Խաչատուր վարդապետի, որն այն ժամանակ Պոլսում էր. նա ուսանել ու զարգացել էր Եվրոպայում, աշակերտել Հռոմի Ուրբանյան վարժարանում. կիրթ և լուսավոր մի միտք էր, որն իր համարձակ, կորովի և հմուտ քարոզներով մեծ ոգևորություն էր առաջացրել մայրաքաղաքի հայերի մեջ: Մխիթարը որոշեց գնալ և գտնել նրան, հայտնել իր մտադրությունը և միասին գործակցելով անել այն գործը, որն Աստված ներշնչել էր իրեն. այն է՝ ուսյալ և եռանդուն քարոզիչներ պատրաստել Հայ Ազգը կրոնով ու գիտությամբ լուսավորելու համար: Նրան հանդգնություն էր թվում միայնակ ձեռնարկելն այդպիսի մի գործ, որն իր կարողությունից շատ վեր էր համարում: Ուստի իրենից հեռացնելով ամեն իր կամ անձ, որ կարող էր գործին խոչընդոտ հանդիսանալ, և այնտեղ թողնելով Հովհաննես աշակերտին, – որին իր եռանդուն շնչով քաջալերեց, որ ծնողներին համոզելուց հետո գա և գտնի իրեն Պոլսում, – հրաժեշտի ողջույն տվեց ընտանիքին, ծանոթներին ու բարեկամներին, և ապա ճանապարհ ընկավ դեպի Պոլիս:
1697 թվականի Ապրիլ ամսին Մխիթարն առաջին անգամ ոտք դրեց սուլթանների մայրաքաղաք: Բոսֆորի ափերի վրա դշխոյի պես բազմած այդ դյութական քաղաքը, – ժխորի, առևտրի և զանազան ազգությունների ու կրոնական հակամարտությունների տեղը, Արևմուտքի և Արևելքի քաղաքակրթությունների ու սովորույթների շփման վայրը, ուր բյուրավոր մարդիկ ապրելու, հարստանալու, բարձրանալու և վայելելու տենդով բռնված՝ առաջացնում են կյանքի ահագին եռուզեռ ու շարժում, – սկզբից ևեթ շատ անախորժ տպավորություն թողեց Մխիթարի վրա, որը մինչ այդ գրեթե միայն վանքերի շրջապատի մեջ փակված և միայն գավառի կյանք տեսած, իրեն հանկարծ խոշոր քաղաքի մեծադղորդ շրջապտույտի մեջ գտավ: Այդտեղ տեսավ բնիկ տեղացու և գավառացու միջև եղած անձնական շահերի ու իրավունքների բուռն մաքառումը, գծուծ ու գռեհիկ կրքերի բախումը, ընտանեկան գժտությունները, ազգակիցների միմյանց դեմ լարած մեքենայությունները, ճղճիմ հոգիների դեմընդդեմ մխացող քենը և իրար տապալելու անարգ ճիգերը: Տեսավ Ազգի հարուստներին ու ամիրաներին, որոնք միայն ճոխության ու փառքի ետևից ընկած՝ իրենցից ցածր եղածների վրա հազիվ մի արհամարհոտ հայացք էին ձգում. փառամոլ առաջնորդներին, որոնք զգեստից զատ՝ եկեղեցականության որևէ բան չունեին և գիտեին իրենց հանձնված պաշտոնը շահագործել ի հագուրդ իրենց անձնասիրության միայն: Այդ ամենը սաստիկ ազդեց Մխիթարի վրա: Այդ ժամանակ Օսմանյան պետության գահակալն էր Մուստաֆա Երկրորդը (1695-1703), որն իր թագավորության առաջին տարիներն անցկացրեց Հունգարիայի կողմերում ավստրիացիների դեմ արյունոտ պատերազմներ մղելով, որոնք վերջապես դադարեցին Կարլովիցի նշանավոր հաշտությամբ, 1699 թվականի Հունվարի 26ին: Այդ ժամանակ Պոլսի Հայոց Պատրիարքական Աթոռին նստած էր երկրորդ անգամ գահ բարձրացած Եփրեմ Ղափանցին, որը Մխիթարի Պոլիս հասնելուց մի ամիս հետո՝ Մայիսին, իր դաժան բնավորության պատճառով կրկին գահընկեց լինելով աքսորվեց և նրան հաջորդեց Մելիքսեթ Սուպհին:
Մխիթարն առաջին օրից իրեն բնակավայր ընտրեց Ղալաթիայի կողմը, ուր իջևանեց Սուրբ Լուսավորիչ եկեղեցու[1] խցերից մեկում: Այնտեղ շուտով ծանոթացավ և մտերմություն հաստատեց եվրոպացի կրոնավորների, մանավանդ ֆրանսիացի Հիսուսյանների հետ, որոնք Ղալաթիայում մի վանք ունեին և Մխիթարն ամեն օր պատարագում էր նրանց եկեղեցում: Ամբողջ կյանքում Մխիթարն ուր էլ գնաց, օտարների մեջ մտերիմ բարեկամներ գտավ. ինչպես Հալեպում, այնպես էլ Պոլսում, նրա լավագույն խորհրդատուները լատին կրոնավորները եղան: Մխիթարի հարուստ ու ընդարձակ միտքը նեղ սահմանների մեջ փակվել չգիտեր. զարմանալի մի քաջությամբ անտեսելով ցեղային կանխակալ խտրությունները, հոգով ճոխանալու մի լայն հնարավորություն բացեց իր առաջ: Լամբրոնացու կաղապարով ձուլված, նրա սրտի կրակով վառված, նրա մտածելակերպին հաղորդ եղավ Մխիթարը, ամեն ինչից վեր Սերը նախադասելով:
Մխիթարը, որի աչքին ուրիշ ոչինչ չէր երևում, այլ՝ իր միակ գործի մասին էր շարունակ մտածում, իսկույն գնաց տեսնելու Խաչատուր վարդապետին. լսեց նրա քարոզները, որոնք լիովին արդարացրեցին իր մասին եղած համբավը. նա իր փնտրած միակ անձն էր: Այդ երկու սրտերը, որ իրենց զգացումներով անչափ նման էին իրար, առաջին իսկ հանդիպումից այնպես կապվեցին միմյանց, որ այնուհետև ոչ մի դեպք կամ պարագա այդ կապը խզել չկարողացավ: Ինչպես կտեսնենք, նրանք միայն մի հարցում տարակարծիք եղան, և դա երկուսի համար էլ պատվաբեր էր: Մի օր, հարմար առիթով, Մխիթարը Խաչատուր վարդապետին հայտնեց իր մտադրությունը և նրանից հետևյալ պատասխանը ստացավ. «Սքանչելի մտադրություն է դա, բայց դժվարին և անիրագործելի, անհամար դժվարությունների պատճառով, որոնց կբախվի առաջին իսկ քայլից: Այդ դժվարություններից մեծագույնը դրամի պակասությունն է, որն անհրաժեշտ պայման է գործի հաջողության համար»: Մխիթարը, հեռուլինելով փառասիրական ձգտումներից և միայն Ազգի օգուտը հաշվի առնելով, նույնիսկ առաջարկեց, որ գործի գլուխն ու առաջնորդը նա լինի, իսկ ինքը՝ պարզապես նրա գործակիցը, բայց Խաչատուր վարդապետը, հակառակ Մխիթարի անչափ հորդորներին ու թախանձանքին, կրկնեց հաստատ իր «ո՛չ»ը, բացեիբաց հրաժարվելով մի այդպիսի մեծ ու դժվարին ձեռնարկից: Ո՛վ էլ լիներ, նույնը կմտածեր ու կպատասխաներ, նկատի ունենալով մանավանդ ժամանակի և Ազգի հանգամանքները: Տեսնելով, որ իր այդքան աշխատանքը կրկին անարդյունք եղավ, Մխիթարը վշտացավ այդ անհաջողությունից, բայց չվհատվեց: Իր այդ առաջին գալուստը Պոլիս, նույնիսկ եթե ուրիշ օգուտ չունեցավ, գոնե ծանոթացավ Մխիթարը Ազգի գլխավորներին, և առանց իսկ գիտակցելու՝ հիմքը դրեց այն գործի, որը մարդկային հաշվարկներով դատապարտված էր անհաջողությամբ ավարտվելու: Եվ մինչ նա ընկղմված էր նման մտահոգությունների մեջ, այնտեղ՝ Սեբաստիայում Հովհաննես պատանին հաղթելով ծնողների դիմադրությանը՝ Մխիթարին գտնելու համար ճանապարհ էր ընկնում դեպի Պոլիս: Այդ նույն օրերին, Մխիթարի հոգեշահ խոսքերից ազդված, Հովնան անունով մի ուրիշ երիտասարդ էլ թողնում էր ծնողների տունն ու աշխարհի վայելքները և նվիրվում էր Մխիթարին աշակերտելու: Սա հետո քահանա ձեռնադրվեց Հայր Մանուել անվամբ:
[1] Հայոց այդ եկեղեցին կառուցվել էր 1436 թվականին, Կոմս անունով Թեոդոսիացի հայազգի վաճառականի բարերարությամբ: