Ճամփորդության նախապատրաստությունները
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Երկրի ընդհանուր կառավարիչ իշխանը հրամայել էր, որ բնակիչներն ազատ էին գաղթելու ո՛ւր ուզում էին, մանավանդ ովքեր պատերազմի ժամանակ ո՛չ միայն չէին կարողանալու որևէ օգուտ տալ, այլ նաև ծանրություն էին լինելու և պարենի պակասության պատճառ: Այդ հրամանը, սակայն, կրոնավորներին ու քահանաներին չէր վերաբերվում, որոնք պետք է մնային տեղում, որպեսզի իրենց աղոթքներով ու Պատարագներով զորացնեին զինվորների բազուկները և իրենց անձնվեր օրինակով ու խոսքով հույս և քաջություն ներշնչեին վհատվողներին: Աբբահայրը, սակայն, որ ամեն ինչում խոհական էր ու աչալուրջ, այդ դժվարության առաջ կանգ չառավ: Մտածելով, որ իր Միաբանությունը տակավին սակավաթիվ էր և միայն մի վանք ուներ, և եթե հանկարծ պատերազմը ձախող ելք ունենար, ինչին ինքը արդեն համոզված էր, հիմնովին կկործանվեր. հետևաբար, քանի դեռ չէր հասել համաջինջ ավերածը, շտապեց ապահովել իրենների կյանքը, եթե ո՛չ բոլորի, գոնե մեծամասնությանը, և հետո նոր այնտեղ մնացողների համար էլ մի հնարք կճարեր: Ուստի իր աշակերտներից ամենակարող և իր աջակից Հայր Հովհաննես վարդապետին Նեապոլիս ուղարկեց, որպեսզի գնար և իշխանից հրամանագիր ստանար, որով արտոնվեր Աբբահորը տասնմեկ հոգու հետ թողնել Մեթոնը և Վենետիկ տեղափոխվել: Այդ առիթով նրան հանձնեց իր ինը աշակերտներին, որոնք ուսումնական ընթացքը ավարտած լինելով՝ արդեն հասել էին քահանա ձեռնադրվելու համար պահանջվող տարիքին. պատվիրեց տանել նրանց Կորնթոսի արքեպիսկոպոսին, որպեսզի նրա ձեռնադրությամբ ստանային սուրբ աստիճանները: 1714 թվականի Դեկտեմբերին հասան նրանք Նեապոլիս, ուր ինը դպիրները, հարկավոր պատրաստություններից հետո, արքեպիսկոպոսի ձեռամբ ընդունեցին քահանայական սուրբ օծումը: Իշխանն էլ առանց որևէ դժվարության տվեց իրենից խնդրված հրամանագիրը, ուստի հաջորդ տարվա սկզբին փութացին վերադառնալ Մեթոն, բոլոր միաբանների ոգևորված և ցնծալի աղաղակների ընկերակցությամբ կատարելով իրենց մուտքը: Բայց որքա՜ն վաղանցուկ էր այդ ուրախությունը. քիչ օրեր անց թողնելու էին այն մենաստանը, որն իրենց հայրենի հարկի չափ սիրելի էր եղել և որի ամեն մի անկյունը Միաբանության մանկության տարիների գորովալի հիշատակներն էր պահում իր մեջ: Եվ որ ամենացավալին էր, հազիվ էին սկսել վայելել միաբանական կյանքի քաղցրությունները, ստիպվելու էին բաժանվել միմյանցից, մթին ու անծանոթ ապագայի ձեռքը հանձնելով իրենց:
Թեև վտանգը տակավին դեռ չէր մոտեցել, որովհետև Նեապոլիս քաղաքը, որ Վենետիկի տերության նախամարտիկ դուռն էր, ամուր բերդերով և մարտկոցներով պատսպարված, գրեթե անառիկ էր. ինչպես նաև Մեթոնը, ցամաքի կողմից հաստ և ամուր պարիսպներով ու ժայռերով շրջապատված և խորափոս խրամներով պաշտպանված էր, որի համար էլ դղյակ կամ բերդաքաղաք էր կոչվում: Սակայն հետզհետե ուժգնանում էր պատերազմի շշուկը և ամենքի սիրտը տրոփում էր ահուդողով, այնքա՜ն որ խեղճ բնակիչների վրա սարսափ էին ազդում օսմանցիների զենքերը: Հարկավոր էր, որ Մխիթարն ու իրեններն էլ մտածեին արդեն մեկնելու մասին և գնային այնտեղ, ուր իրենց առաջնորդում էր նախախնամական Աջը, որն երբեք չէր թողնելու իրենց: Ուստի իր շուրջը հավաքեց այդ ժամանակ Մեթոնի վանքում գտնվող անձանց[1] և խոր լռության մեջ հայտնեց մոտալուտ սարսափելի վտանգը, որից շուտով հարկավոր էր խույս տալ: Հայտնեց նաև երկրի խիստ ու անողոք օրենքը, որն իրենց թույլ չէր տալիս, որ բոլորը միասին հեռանային այդ հողից, որը կարծես դեռ անհագ էր իրենց այդքան թափած քրտինքից ու արտասուքից և ուզում էր, որ հայ պանդուխտի արյունն էլ թափվեր այնտեղ, Հայության հիշատակը նվիրագործելու և հավերժացնելու համար: Հարկ էր, հետևաբար, որ իրենցից ոմանք դեռևս մնային այնտեղ, թշնամու սրից ու հրից պաշտպանելու իրենց մենաստանն ու եկեղեցին, իրենց կյանքը զոհելով Միաբանության համար, եթե Երկինքը այդպես կամենար, և պիտի լինեին հնազանդության ու եղբայրասիրության մարտիրոսներ: Չգիտեմ, եղա՞վ արդյոք ունկնդիրներից մեկը, որի սիրտը չբոցավառվեց այդ գորովալի հոր խոսքերից, չվառվեց, ի նկատի ունեմ, մարտիրոսության եռանդով, բոլորանվեր ողջակիզելու իր անձը եղբայրների և Միաբանության սիրո համար. ամեն ոք պիտի փափաքեր ինքը մնալ այնտեղ: Վերջում, Աբբահայրը միաձայն հավանությամբ որոշեց Մեթոնում թողնել Ակնեցի Հայր Ղազար վարդապետին, որն իր պաշտոնի պատճառով Հայր Գործակալ էր կոչվում, անձնվեր, աչալուրջ և բանիբուն մի անձ, որին իրեն փոխանորդ կարգեց, ժամանակավոր Փոխաբբա տիտղոսը տալով նրան, և նրան ընկեր թողեց Հայր Մանուել, Հայր Թովմաս և Հայր Հակոբ վարդապետներին և երեք վանական եղբայրներին:
Այդպես, անհրաժեշտ որոշումներ կայացնելուց հետո, սկսեցին ճանապարհի պատրաստություն տեսնել: Փետրվարի 20ին Մեթոնի նավահանգիստ մտան երկու առևտրական նավեր, որոնք Արևելքից գալով՝ գնալու էին Վենետիկ: Աբբահայրն աճապարեց չկորցնել այդ հարմար առիթը, գնաց դրանցից մեկի նավապետի հետ խոսելու և պայմանավորվելու, որ քսանչորս վենետիկյան ոսկի վճարով՝ իր հետ Վենետիկ տանի տասներկու հոգի, պայմանով, որ յուրաքանչյուր անձ կարողանա իր հետ մեկական սնդուկ և անկողին վերցնել: Նավապետը համաձայնվեց պայմաններին և առաջարկված վճարին, ուստի Աբբահայրը վանք վերադարձավ և հրամայեց բերել հավաքել այն ամենը, որ իրենց հետ տանելու էին, ամենակարևոր իրերը, ինչպիսիք էին զգեստները, գրքերն ու ձեռագրերը. եկեղեցական զգեստներից ու սպասներից՝ երկու գեղեցիկ շուրջառ, երկու սկիհ, Սրբության մեծ արծաթյա ճաճանչ, արծաթյա չորս փոքր կանթեղներ, և այլն. իսկ տան կահկարասիներից հազիվ մի քանի կտոր բան վերցրեցին, որոնց ուղղակի անհրաժեշտ կարիքը կարող էին զգալ ճանապարհին: Իսկ ճանապարհի պարեն, որքան որ կարողացան, առատորեն վերցրեցին, ինչպես նաև նավապետն էր խորհուրդ տվել, որպեսզի եթե հանկարծ փոթորիկների պատճառով նավարկությունը երկարեր, կերակուրի պակասությունից չնեղվեին. ուստի վերցրեցին մոտ երկու ամսվա համար բավական պաքսիմատ, ալյուր, գինի, ձեթ և ուրիշ հարկավոր նյութեր: Իսկ օտարության մեջ պանդուխտին ամենաանհրաժեշտ բանը, որ դրամն է, Մխիթարն իր հետ միայն այնքան վերցրեց, որքան որ կարողացավ գտնել իր աղքատիկ քսակի մեջ, այն է՝ 250 դահեկան, որը տասներկու անձանց կարիքների համար հազիվ մի քանի օր կարող էր բավել օտարության մեջ, մանավանդ որ Վենետիկ էին գնում, ուր ապրուստը և բնակարանների վարձը բավականին թանկ էր. և այդ 250 դահեկանով Մխիթարը հոգալու էր իրենց բոլոր կարիքները, բնակարան, զգեստ, կերակուր, կահկարասի, և այլն. գրեթե հրաշք գործելու պես մի բան էր: Մխիթարն այդ հրաշքը գործեց իր մեծ հավատքով, որը մեծամեծ վտանգների ու դժվարությունների մեջ անհամեմատ կերպով մեծանում էր: Նա հեռատես և կանխատես էր, ուր որ մարդկային միջոցներն ի զորու էին. իսկ ինչը որ իր ուժերից վեր էր, որդիական վստահությամբ թողնումէր վերին ամենախնամ Աջի հայեցողությանը, ինչպես Ավետարանն է սահմանում մարդու ապագան ու վաղվա օրը, պատվիրելով. «Մի՛ մտահոգվեք վաղվա օրվա համար»:
[1] Այդ ժամանակ Մեթոնի վանքում գտնվում էին հետևյալ անձինք. Հ. Եղիա Մարտիրոսյան, Հ. Հովհաննես Սիմոնյան, Հ. Ղազար Ակնեցի, Հ. Մանուել Խուպյարյան, Հ. Պետրոս Նուրումյան, Հ. Թովմաս Թեոդորոսյան, որոնք ընդունել էին վարդապետական գավազան. ապա ինը նոր ձեռնադրված աբեղաները՝ Հ. Գաբրիել Կարնեցի, Հ. Միքայել Վարդերեսյան, Հ. Հակոբ Բուգայան, Հ. Գրիգոր Քանաքեռցի, Հ. Հովսեփ Պրուսացի, Հ. Փիլիպպոս Մարտիրոսյան, Հ. Ստեփանոս Պետրոսյան, Հ. Մատթեոս Գարագաշյան և Հ. Հովհան Կոստանդնուպոլսեցի. կային նաև երեք վանական եղբայրներ՝ Եղբ. Տիրացու, Եղբ. Մարկոս և Եղբ. Մկրտիչ: Իսկ Հ. Գեորգ Այնթապցի և Հ. Պողոս Սիմոնյան վարդապետները առաքելության էին գնացել Արևելք և դեռ չէին վերադարձել: