Մատթեի և Ժողովողի Մեկնությունները
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Աստվածաշնչի համեմատության ժամանակ, այն բոլոր բառերը կամ պարբերությունները, որոնք խրթին և բացատրության կարոտ էին, Մխիթարը գրի էր առնում առանձին, հետո մեկնելու և բացատրելու համար: Այս ոճով գրեց նաև «Ժողովողի» մեկնությունը, 1735 թվականին, որն ապա ամբողջացնելով՝ հրատարակեց հաջորդ՝ 1736 թվականին: Գրքի վերջում դրված Հիշատակարանում ասում է, որ սա իր բազմամյա աշխատանքի՝ Աստվածաշնչի հրատարակության առթիվ յոթլեզվյան թարգմանությունների հետ տուն առ տուն կատարած համեմատության երախայրիքն է: Մեկնության ակնառու հատկություններն են պարզությունը և հստակությունը. այստեղ Մխիթարը չի ներկայանում որպես մեծ, խորաթափանց մտքի տեր աստվածաբան, որ «վարդապետորեն» ճառախոսի կրոնի բարձր խորհուրդների մասին, և ո՛չ էլ որպես ճարտարախոս, որ պերճ ու գեղեցիկ նկարագրություններով կամենա հմայել իր ընթերցողներին: Այս աշխատության մեջ Մխիթարը պարզապես մի հայր է, որն իր զավակներին բացատրում է Ժողովողի խրթին իմաստները. մի բարոյախոս է, որը գործնական հրահանգներ է տալիս, կռվում է ախտերի դեմ, ցույց է տալիս աշխարհի հաճույքների՝ պատիվների ու վայելքների ունայնությունը, մատնացույց է անում Երկինքը՝ իր անմահ փառքերով և նրա սիրով բոցավառում է ընթերցողի սիրտը: Ընդհանրապես համառոտախոս է, որի պատճառն ինքն իսկ բացատրում է. «Մենք պատանիների և անուսների համար գրեցինք, որոնք գոհ կլինեն այսքանով [...] և խորշեցինք երկարաբանությունից, ընթերցողներին ձանձրալի չլինելու և նկարագրական մեկնությունը բազմակույտ բառերի տակ չթաղելու համար»:
Մեկնություններ է գրել նաև Աստվածաշնչի ա՛յլ խրթին հատվածների ու գրքերի համար, ինչպես Սաղմոսների և Պողոս Առաքյալի նամակների, որոնք սակայն անավարտ մնալով չհրատարակվեցին և մինչև օրս էլ անտիպ են:
Մխիթարի մեկնություններից ամենաընդարձակը և ամեն տեսանկյունից դիտված՝ կատարյալը, «Մատթեի Մեկնությունն» է, որը սկսել է հավանաբար 1718 թվականի սկզբին և հասել է մինչև Ավետարանի Տասներորդ գլուխը, ապա զանազան պատճառներով գործն ընդհատել է մինչև 1736 թվականը: Այդ տարի, բազմաթիվ բարեպաշտ անձանց թախանձանքներից հորդորված, դարձյալ սկսել և մի տարուց ավարտել է: Սա ևս վիթխարի մի գործ է, բառարանի նման, մոտ 1.000 երկսյուն էջերից բաղկացած, որոնց մեջ փայլում է հեղինակի ընդարձակ հմտությունը Աստվածաշնչի և աստվածաբանության մեջ: Այս և մյուս մեկնություններում Մխիթարն ընդհանրապես հետևում է Ոսկեբերանին և ուրիշ Սուրբ Հայրերի, ինչպես ինքն իսկ ասում է գրքի Առաջաբանում: Բայց մի՞թե փոքր աշխատություն է նրանց գրքերը ծայրեծայր կարդալը, քննելը, թե այսինչ բառը կամ պարբերությունը ինչպե՞ս է հասկացել այս կամ այն մեկնիչը, այնքա՜ն զանազան մեկնությունների ու կարծիքների մեջ լավագույնը որոշելն ու ընտրելը: Գաղափարների ինչպիսի՜ հստակություն, իմաստների ինչպիսի՜ օծություն. վստահ քայլերով ընկղմվում է հավատքի խորհրդավոր մթությունների մեջ, և ուր որ թափանցում է, լույս է փայլատակում իր շուրջը: Հիմնական տեղեկություններ է տալիս հրեական ազգի սովորությունների, ծեսերի, նրա հնախոսության և աշխարհագրության մասին: Սրատես մեկնիչ է, որի աչքից որևէ բան չի վրիպում: Չկա աստվածաբանական մի խնդիր, որ շոշափած և լուսաբանած չլինի, մանավանդ այնպիսիները, որոնք ուղղակի կապ ունեին ազգային խնդիրների հետ: Քսան էջ միայն նվիրում է Քրիստոսի Անձի միության և երկու բնությունների խնդրին (էջ 437-457), այնքան հստակորեն և հմտությամբ խոսելով «անձի» և «բնությանժ նշանակությունների և զանազան առումների մասին, իմաստասիրորեն քննելով և սահմանելով դրանք, հարմար օրինակներով, առարկություններով ու պատասխաններով լուծելով խնդիրը, որ դրանից ավելի լավ բացատրություն տալն անհնարին է: Այնտեղ գտնվում են կենդանի նկարագրություններն ախտերի, դրանց խորշելի լինելը ցույց տալու համար. հրավառ հորդորներ՝ սիրելու և գործադրելու առաքինությունները, ինչպես նաև խրատներ քարոզիչներին, առաջնորդներին, ամեն վիճակի ու հասակի անձանց: Այդ էջերում մարդ ուսանում է, թե Ավետարանի վսեմ սկզբունքների հետ ինչպե՛ս կարելի է միաբանել մարդկային կենցաղավարության պատվերները, Երկնքի սերը՝ Հայրենիքի սիրո հետ, հավատքը՝ գիտության հետ: Այնտեղ կրկին փայլում է Մխիթարի մեծ աղքատասիրությունը, որ գորովելով ի տես թշվառության մեջ տառապող աղքատների, բուռն կերպով շանթահարելով դատապարտում է անողորմ հարուստներին, նրանց ուղղելով Մեծն Հայրապետի խոսքերը. «Քաղցածներինն է այն հացը, որ դու պահում ես քո մոտ. մերկերինն է այն զգեստը, որ սենյակիդ պատից ես կախում. բոկոտն քայլողինն է այն կոշիկը, որ տանդ մի անկյունում փտեցնում ես. աղքատինն է այն դրամը, որ հողի տակ թաղում ես» (էջ 694): Այս խոսքերով է, որ Մեծն Բարսեղը Կեսարիայի բեմերից ժամանակին ցնցում էր իր դարի հարուստներին: