Մխիթար վարդապետը հասնում է Պոլիս – Նրա առաքելական գործունեությունը
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Տասնութերորդ դարագլխին, Մուստաֆա Երկրորդի գավազանի ներքո, խաղաղություն էր տիրում ամբողջ Օսմանյան պետության մեջ, որը Եվրոպայի արհավիրքը լինելուց դադարած, մեծաշուք հանդեսով ընդունում էր քրիստոնյա վեհապետների ընծայաբեր դեսպաններին, և այդպիսով Արևելքն Արևմուտքի հետ կապող հաշտարար կապերն ու պայմաններն ավելանում էին: Այդ նույն ժամանակներում, արևմտյան մեծ ու փոքր ազգերն իրենց բարոյական ու նյութական ուժերը զարգացնելու մեծամեծ ճիգեր էին անում. վերածնության տենչը եռում էր բոլոր սրտերում: Ռուսաստանը Մեծն Պետրոսի հանճարով դառնում էր զորավոր ու վիթխարի պետություն. Ֆրանսիան, Լյուդովիկոս Տասնչորսերորդի ազդեցության ներքո գիտությունների ու արվեստների ոսկեդար ապրելով, հասել էր իր մեծության գագաթնակետին. Ավստրիան, լեհացի Սոբիեսկի դյուցազնի և Եվգինեոս իշխանի զենքի շնորհիվ հալածելով դարավոր թշնամուն, ստանում էր իր նախկին փառքը: Նույն տարիներին, վախճանվելով Հռոմի Քահանայապետ Իննովկենտիոս Տասներկուերորդը, որն ականավոր էր դարձել իր ներմուծած եկեղեցական բարեկարգություններով, նրան հաջորդեց Կղեմես Տասնմեկերորդը. նա, որ հետո Մխիթարի Միաբանության հաստատողը եղավ, մի զարմանալի զուգադիպությամբ Սուրբ Պետրոսի գահին բարձրացավ ճիշտ այն տարին, երբ Մխիթարն իր Միաբանության հիմքը դրեց Պոլսում:
Մխիթարի անունը դեռ հնչում էր Բոսֆորի ծիծաղկոտ ափերին, դեռ թարմ էին նրա թողած տպավորությունները, երբ 1700 թվականի Հուլիս ամսին, երկրորդ անգամ լինելով, հասավ Պոլիս: Մայրաքաղաքն իր շարժուն ու ոգևորված վիճակում էր. առերևույթ հանդարտության ներքո հուզվում էին նույն կրքերը և նույն շփոթը, ինչ երեք տարի առաջ, և այնտեղ Հայ տարրը, փոխանակ ինքն իրեն զորացնելու և զարգացնելու, ներքին կռիվների ու կրոնական վեճերի մեջ սպառում էր իր ուժերը: Ժողովուրդը, լսելով Մխիթարի վերադարձի մասին, ուրախությամբ փութաց ողջունելու իր նախկին քարոզչին: Այդպիսի հանդիսավոր ընդունելությունից երկու տարի հետո Մխիթարն հազիվ էր կարողանալու փախուստով ազատել իր կյանքը: Նա գնաց բնակվելու Ղալաթիայում, իր հին իջևանում, և հաջորդ օրվանից իսկ սկսեց քարոզել: Այդ ժամանակվա Պատրիարքներն էին, նախ՝ Մխիթար Կորդվացին, ապա՝ Մելիքսեթ Սուպհին, երկուսն էլ խաղաղասեր ու բարեբարո անձինք: Նրանց թույլտվությամբ էր Մխիթարը քարոզում Սուրբ Լուսավորիչ եկեղեցում, ուր հավաքվում էր ունկնդիրների մի հոծ բազմություն, որն արդեն առել էր նրա իմաստալից քարոզների համը: Նա, ինչպես նախորդ անգամ, այժմ էլ ամեն օր պատարագում էր լատինների եկեղեցիներում, ուր բազմաթիվ հայեր դիմում էին իրեն՝ խոստովանվելու և հաղորդվելու համար: Անխտիր բոլորի կողմից սիրված էր նա ու հարգված. նույնիսկ իր համոզումները չկիսողները, գիտենալով հանդերձ, որ նա կաթողիկե մասի գլխավորներից մեկն էր, հավասարապես մեծարում էին նրան: Գրեթե աննկարագրելի է նրա գործունեությունն այդ շրջանում. մի կողմից, անհնարին ճիգեր էր գործի դնում իր մեծ ձեռնարկը հաջողելու համար և աշակերտներին առաքինությամբ և ուսմամբ հրահանգելով՝ նրանց պատրաստում էր այդ գործին. մյուս կողմից, գրեթե ամեն օր քարոզում էր, հրավիրվում էր տները՝ հոգևոր խրատներ խոսելու, պաշտպան էր կանգնում աղքատներին ու զրկվածներին: Նա ջանում էր վերջ տալ կրոնական վեճերին, հաշտություն և միություն քարոզելով Ազգի երկու պառակտված մասերի միջև, որոնց հարաբերություններն այնքան սաստիկ էին լարվել, որ ամենափոքր դիպվածն անգամ կարող էր մեծ աղմուկ հանել, ինչը և շուտով պատահեց:
Կաթողիկե հայերից մեկը, զայրացած պահին, հակառակորդ կողմի քահանաներից մեկին անզգուշաբար կոչել էր «խախամ»: Հակառակորդները, այդ խոսքից զայրացած, որոշեցին հաջորդ օրը եպարքոսի ատյանը գնալ և իբրև մատնիչ ու ապստամբ ամբաստանել բոլոր նրանց, ովքեր դավանանքով մեկ էին Հռոմեական Եկեղեցու հետ: Այդ նույն գիշեր Մխիթարին տեղեկացրեցին դրա մասին: Սաստիկ վշտացավ նա և հաջորդ առավոտյան մի ազդու քարոզ խոսեց խաղաղության և սիրո մասին: Քարոզը, սակայն, արդյունք չունեցավ: Սուր կերպարանք առած գժտությունը անզսպելի եղավ: Հակառակորդները չհանդարտվեցին և եկեղեցուց դուրս ելնելով, խմբովին ուղղվեցին դատավորի մոտ, օտարի դատին հանձնելու իրենց համազգի եղբայրներին: Մեծագույն ճիգ էր հարկավոր: Մխիթարը հանկարծ մի ներշնչում ունեցավ. խորանի վրայից առավ Խաչը, վազեց, կանգնեց նրանց դիմաց և կրակոտ շեշտով ասաց. «Ո՞ւր եք գնում, ի՞նչ եք անում: Եթե Հռոմեական Եկեղեցու հետ միաբանածներին պիտի մատնեք, ես էլ եմ նրանցից, ինձ էլ մատնեք: Այս Խաչով դատավորի առջև պիտի գամ և աներկյուղ պիտի դավանեմ հավատքս, որի համար պատրաստ եմ կրելու տանջանք ու մահ: Այդպիսի չնչին բաների համար ինչո՞ւ եք քաղաքական ատյաններին դիմում: Մի՞թե Ազգային Պատրիարք չունեք, որ խնդիրը քննի և ինքը վճռի»: Այս և նման խոսքեր ասաց Մխիթարը, որի հուզված ձայնը, եռանդուն հոգին, այն սերն ու հարգանքը, որ բոլորն էլ տածում էին նրա նկատմամբ, զսպեցին ժողովրդի զայրույթը, որոնք իրենց միտքը փոխելով, այլազգի դատավորի փոխարեն Հայոց Պատրիարքի մոտ գնացին, և խնդիրը վերջացավ խաղաղությամբ: Մխիթարն այդ դեպքից հետո մի այնպիսի ժողովրդականություն սկսեց վայելել, որ ամեն աստիճանի անձինք խոնարհվում էին նրա առաջ: Նա միության և սիրո զոդը վերահաստատեց համազգի եղբայրների միջև, առժամանակ դադարեցին կրոնական փոթորիկները, և հանդարտության մեջ նա մտածում էր իր կերտելիք կառույցի մասին: