Նրա հոգում ծնվում է Միաբանություն հիմնելու գաղափարը – Առաջին աշակերտները
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Այդ ժամանակից Մխիթարի մեջ մեծ կերպարանափոխություն տեղի ունեցավ. առժամանակ մտքից հանեց Արևմուտք գնալու գաղափարը, հասկացավ, որ այդ ճանապարհով չէ, որ պետք է օգտակար լիներ իր Ազգին, որի աղետալի վիճակն իր սրտի մեծագույն վերքն էր դարձել: Մխիթարն ըմբռնում էր իր բարձր դիրքի ողջ պատասխանատվությունը. հասկանում էր,որ ժողովրդից զատվելով՝ քահանայության աստիճան ստացավ և ստանձնեց սրբազան մի պարտականություն, որին դրժած կլիներ, եթե ապրեր վանքի ստվերներում թաղված, անգործ, աննշան մի կյանք, առանց մի որևէ լուսավոր հետք թողնելու: Քանի՜ քանի՜ գիշերներ, Սուրբ Նշան վանքի խցում ամփոփված, խոհերի մեջ ընկղմված, պատուհանից դիտելով շրջակա դաշտերն ու լեռները, – գիշերվա ժամերին տեսարանն ավելի խորհրդավոր ու շքեղ էր դառնում, – իր վառ երևակայության մեջ պատկերում էր իրեն շրջապատող թշվառությունը, խավարը, ցավերը և սպառնացող ընդհանուր ավերմունքը, և սիրտը վշտից փղձկում էր: Մտածում էր Ազգի քաղաքական ու հոգևոր առաջնորդների անհոգության ու անզգայության, վանքերի բարոյական քայքայման, եկեղեցական ոգու նվազման, կրթության ու գիտության ի սպառ անհետացման մասին. այդ բոլորը կշռում էր իր ընդարձակ մտքով, զգում իր մեծ սրտով և մտածում, թե ինչպե՛ս կարող է դարմանել այդ վերքերը: Եվ ահա՛, իր դիմաց ծառանում էին հազար ու մի դժվարություններ, խոչընդոտներ՝ ձախող ժամանակի պարագաներից, արգելքներ՝ ժողովրդի անկազմակերպ վիճակից, հակառակություն՝ տգետ ու նախանձոտ առաջնորդների կողմից: Ինքը միայնակ, առանց քաջալերողի, նեցուկի և ընկերների. բոլորին անհայտ, առանց դրամի, գրքերի, ինչպե՞ս կարող էր գլուխ բերել մի որևէ մեծ ձեռնարկ: Վհատության վարագույրն իջնում ու փակում էր տեսարանը. ամեն ինչ ցնդում էր գիշերվա լռության մեջ: Նման վիճակները բազմաթիվ գիշերներ էին կրկնվում. վերջապես մի անգամ, երբ դարձյալ նույն խոչընդոտներից ահաբեկված, միևնույն վհատեցուցիչ տագնապով ճնշված, եռանդագին աղոթում էր, մտքի մեջ հանկարծակի մի լույս շողաց. Միաբանություն հաստատելու գաղափարն ունեցավ: Դա՛ էր լինելու աղետներին դիմագրավելու լավագույն ու տևական միջոցը:
Մխիթարն ի բնե օժտված էր այդ գործի համար անհրաժեշտ բոլոր ձիրքերով, շարժուձևի և վարմունքի մեջ ուներ առինքնող մի բան, խոսքերի մեջ՝ համոզիչ մի ուժ. քանի որ նա վանքում էր ապրում, ամբողջ ժողովուրդն իրեն էր ձգտում, օրեցօր երթևեկն աճում էր, և դրանից ստիպված էր, որ թողեց իր առանձնախուցը և գնաց քաղաք: Շատերը, նրա քարոզներից ու հորդորներից ազդված, հրաժարվում էին ո՛չ միայն իրենց թյուր կարծիքներից, այլև աշխարհիկ կյանքից. շատերը, նրա շուրջը խմբված, փափաքում էին աշակերտել իրեն: Մխիթարն ընդունում էր միայն նրանց, ում մեջ տեսնում էր հաստատակամություն և կրոնավորական կոչման ոգի. ինչպիսիք էին սեբաստացի երկու պատանիներ Հովհաննեսն ու Հովսեփը, որոնք եղան նրա առաջին աշակերտները: Այդ օրերին պատահմամբ Մխիթարի ձեռքն անցավ Թովմա Գեմբացու «Յաղագս նմանութեան Քրիստոսի» ոսկեղեն գրքույկը, որից ուրիշ օրինակ չունենալով՝ այն երկու մասի բաժանեց և մի մասը տվեց իր աշակերտ Հովհաննեսին, որ կարդա: Այդ էջերում Մխիթարը գտավ կրոնավորական ճշմարիտ նկարագիրը, հասկացավ, թե ինչի՛ մեջ է կայանում ճշմարիտ առաքինությունը, զգաց, թե որքա՜ն քաղցր է Աստծո ծառայությունը և որքա՜ն ունայն՝ աշխարհի սերն ու սփոփանքը, որոնցից իր սիրտն արդեն իսկ ազատ էր: Նույն տպավորություններն ունեցավ նաև Հովհաննես պատանին, որն անխոհեմ գտնվելու չափ եռանդով, Մխիթարի խրատներին հակառակ, վրայից հանեց աշխարհիկ պերճազգեստ հանդերձանքը և ցնցոտիներ հագավ, նվիրվելով հոգևոր կրթության ու ճգնությունների, որոնցով գրավեց ծնողների ու ազգականների ուշադրությունը և նրանց ատելությունն ակամա գրգռեց իր ու Մխիթարի դեմ: Այդ ժամանակվա աբեղաները, ինչպես արդեն ասացինք, իրենց անկարգ վարքով կրոնավորական վիճակն աշխարհականների աչքին արհամարհելի ու զզվելի էին դարձրել. այդ էր պատճառը, որ ծնողները հակառակվում էին իրենց զավակների կրոնավոր դառնալուն: Իսկույն ամբողջ քաղաքում տարածվեց լուրը, թե Մխիթար աբեղան տղաներին ապստամբեցնում է իրենց ծնողների դեմ, խռովություն է գցում ընտանիքների մեջ, «ֆռանկ է դարձնում մեր որդիներին» և նման ա՛յլ բացատրություններ: Քաղաքում իրարանցում սկսվեց. Մխիթարի ունկնդիրների թիվը զգալի չափով նվազեց, նրա առջև փակվեցին տների դռները, և ծնողները զգուշացնում էին իրենց որդիներին: Սկզբում այդ լուրը տարածվեց մեղմ հովի նման, բայց գնալով փոթորիկի վերածվեց: Մի անգամ Հովհաննեսի մայրը և ազգականները հարձակվեցին Մխիթարի վրա և սպառնալիքներով նրան ստիպում էին պատանուն համոզել, որ կրոնավոր չդառնա, այլ՝ ընտրի աշխարհական վիճակը, քանի որ արդեն նշանված իսկ էր: Հազիվ կարողացավ ազատվել նրանց ձեռքից: Այդուհետև իր այնտեղ մնալը խոհեմ չէր, հարկ էր հեռանալ, առժամանակ ծածկվել, մինչև փոթորիկը կհանդարտվեր: Մխիթարն իր անելիքների մասին տեղեկացրեց աշակերտին, թողեց Սեբաստիան և գնաց Եվդոկիայի կողմերում քարոզելու. սա նաև փորձ պիտի լիներ պատանու համար, թե հաստատո՞ւն էր արդյոք նրա մտադրությունը: Հովհաննեսի ծնողներն ուրախությամբ ընդունեցին Մխիթարի հեռանալու լուրը և ամեն հնար գործի դրեցին պատանու միտքը փոխելու համար, բայց ապարդյուն: Երևելի աշխարհականներ և եկեղեցականներ նրա առջև դրեցին ամեն տեսակ դժվարություններ, հրապույրներ, փայլուն խոստումներ, որոնք կարող էին փորձված կրոնավորի համար անգամ երերալու պատճառ լինել. բայց նա աննահանջ մնաց և ուրիշ նորանոր թակարդներից զգուշանալով՝ բոլոր վտանգներից ազատ մնալու համար որոշեց փախչել Ակնա գավառ: Իր Հովսեփ ընկերոջ հետ խորհրդակցելով, փնտրողների ձեռքը չընկնելու համար նախ թաքնվեց մի բարեկամի տանը, բայց այնտեղ էլ բոլորովին զերծ չլինելով վտանգից, գործադրեց փախչելու մտադրությունը: Այս դեպքն ավելի գրգռեց Մխիթարի հակառակորդներին, որոնց մեջ ամենակատաղին Ծառուկ աբեղան էր. նրանք ամեն տեսակ զրպարտություններով արատավորեցին Մխիթարի անունը, բայց նա հեռու էր, ուստի փոթորիկն իրեն չէր հասնում: Երբ ոչ մի կողմից հանդարտության հույս այլևս չէր երևում, մի ծածուկ աջ գործին ուրիշ ընթացք տվեց, որով բոլորն էլ մեծ երկյուղով զգաստացան: Քիչ ժամանակ անց Ծառուկ աբեղան ցավալի հանգամանքներում հանկարծամահ եղավ. ընկերների հետ գնացել էր Սեբաստիայից մոտ չորս ժամ հեռու գտնվող ջերմուկները և մի խոր ավազանի մեջ լողալու պահին խեղդվել էր, օգնության հասնող չլինելու պատճառով: Այդ աղետալի դիպվածը բոլորի վրա ծանր տպավորություն թողեց. ովքեր տեղյակ էին նրա վարքին և Մխիթարի դեմ ունեցած ատելությանը, պատահածը Աստծո պատիժն էին համարում: Երկու ամիս անց, երբ կրքերը մի փոքր հանդարտվեցին, Մխիթարը վերադարձավ Սեբաստիա: Կարճ ժամանակում մեծ փոփոխություններ էին կատարվել, հակառակորդները բոլորովին լռել էին: Ծառուկին ոչ մի տեղ չէր հանդիպում, ո՛չ քաղաքում, ո՛չ էլ վանքի մեջ: Միայն մի քանի օր հետո մանրամասն իմացավ պատահածի մասին և սրտում խորը կսկիծ զգաց, մանավանդ նման մահվան պատճառով: Հովհաննես պատանին ևս չէր երևում: Նրա ծնողները, լսելով Մխիթարի վերադարձի մասին, եկան և իրենց որդուն նրանից էին պահանջում, կարծելով, թե նրա խորհրդով էր փախել: Մխիթարը, մինչդեռ, բնավ տեղեկություն չուներ նրա փախուստի մասին: Մի օր բարեկամներից մեկը նրան հայտնեց, թե Հովսեփն իր տանն է թաքնվել: Գնաց գտավ նրան և նրանից իմացավ, որ Հովհաննեսը փախել է Ակնի կողմերը: Ետ դարձրեց նրան և ծնողներին հանձնեց, որպեսզի իրեն չկասկածեն և իր գործին արգելք չհանդիսանան: