Սըր Էրնսթ Բորիս Չեյնը (19 Հունիս 1906 - 12 Օգոստոս 1979) եղել է գերմանացի (ազգությամբ հրեա), ապա անգլիացի բիոքիմիկոս և դեղագործ։ 1945թ.ին արժանացել է Նոբելյան Մրցանակի, 1928թ.ին Ալեքսանդր Ֆլեմինգի կողմից բացահայտված պենիցիլինի զտման վերաբերյալ կատարած իր կարևորագույն աշխատանքների համար։ 1948թ.ին դարձել է Լոնդոնի Գիտությունների Թագավորական Ընկերության անդամ։ Ուսանել է Բեռլինի Ֆրիդրիխ Վիլհելմի անվան համալսարանում, 1933թ.ին գաղթել է Անգլիա, ուր աշխատել է նախ Քեմբրիջի Համալսարանի Բիոքիմիայի ֆակուլտետում, ապագա նոբելյան մրցանակակիր Ֆրեդերիկ Գ. Հոպկինսի առաջնորդությամբ զբաղվելով ֆոսֆոլիպիդների ուսումնասիրմամբ, ապա՝ Օքսֆորդի Համալսարանում։ Աշխատանքի է հրավիրվել Իտալիա, ուր 1948-1963թ.ին ղեկավարել է Առողջապահության Բարձրագույն Հաստատության «Միկրոբիոլոգիական Քիմիայի Միջազգային Կենտրոնը»։ 1963-1973թ.ին կենսաբանական քիմիա է դասավանդել Լոնդոնի Իմպերիալ Քոլեջում։ Արժանացել է միջազգային գիտական բազմաթիվ մրցանակների ու շքանշանների։

 

 

 

Մեջբերված է. R.W. CLARK, The Life of Ernst Chain: Penicillin and Beyond, Weidenfeld & Nicolson, London, 1985, pp. 147-148.

 

[ շարունակելի ... ]