Կոմս Ալեսսանդրո Ջուզեպպե Անտոնիո Անաստազիո Վոլտան (18 Փետրվար 1745 - 5 Մարտ 1827) եղել է իտալացի ֆիզիկոս, որ համաշխարհային համբավի է արժանացել էլեկտրական առաջին գեներատորի ստեղծման և մեթանի բացահայտման համար: Ստեղծել է էլեկտրական մի շարք գործիքներ (գեներատոր, կոնդենսատոր, և այլն): Իր անունով է կոչվում էլեկտրականության չափման միավորը՝ Վոլտը: 1794թ.ին ստացել է Լոնդոնի Թագավորական Ընկերության «Քոփլեյ Շքանշանը» (այն ժամանակվա Նոբելյան մրցանակը), 1801թ.ին՝ Փարիզի Գիտությունների Ինստիտուտի ոսկե մեդալը: 1805թ.ին Նապոլեոնի կողմից պարգևատրվել է Պատվո Լեգիոնի Ասպետի շքանշանով: Իր անունով է կոչվում 8208 Volta աստերոիդը, ինչպես նաև Լուսնի խառնարաններից մեկը:
Կոմս Վոլտան խորապես հավատացյալ անձնավորություն է եղել: Ամեն օր մասնակցել է Պատարագի և երկար ժամանակ Քրիստոնեական Վարդապետություն է դասավանդել Քոմոյի ծխական դպրոցում: Նրա նամակները լի են հոգևոր կյանքի արտահայտություններով: Գիտական պրպտումների հետ միասին, ամեն օր ընթերցել է Աստվածաշունչը և աստվածաբանական ու ջատագովական բազմաթիվ գրքեր:

 

 

 

M. MONTI-D. VITTANI-A. LONGATTI, Alessandro Volta. Entra in scena la luce [Ալեսսանդրո Վոլտա: Բեմ է դուրս գալիս լույսը], Enzo Pifferi Editore 1997.

 

[ շարունակելի ... ]