ԱՂՈԹՔ ՍՈՒՐԲ ՀՈՎՍԵՓԻՆ

Ա Ա Ա

Մեր վշտերի մեջ

քեզ ենք դիմում, ո՜վ Սուրբ Հովսեփ:

Մարիամի օգնությունը հայցելուց հետո

վստահությամբ խնդրում ենք նաև քո պաշտպանությունը:

Հանուն այն սիրո,

որ քեզ միացրեց Անարատ Կույսին՝ Աստվածամորը,

և հանուն այն հայրական սիրո,

որ տածեցիր Հիսուս Մանկան հանդեպ,

խնդրո՜ւմ ենք քեզ,

բարեհաճ հայացքդ ուղղի՜ր

Հիսուս Քրիստոսի թանկարժեք Արյամբ փրկված ժառանգության վրա

և քո օգնությամբ ու իշխանությամբ

հոգա՜ մեր կարիքները:

Ո՜վ աստուածային Ընտանիքի պահապան,

պաշտպան Հիսուս Քրիստոսի ընտրեալ սերնդի,

հեռո՜ւ պահիր մեզնից,

ո՜վ ամենասիրելի հայր,

մոլորության ու մոլության ախտերը:

Օգնի՜ր մեզ Երկնքից,

ո՜վ մեր զորեղ ազատարար,

խավարի իշխանության դեմ մեր մղած պայքարի մեջ.

և ինչպես որ Մանուկ Հիսուսի կյանքը

մոտալուտ մահից ազատեցիր,

այդպես էլ հիմա

Աստծո Սուրբ Եկեղեցին պաշտպանիր

թշնամիներից ու ամեն տեսակ հակառակորդներից:

Քո հովանավորությամբ պահպանի՜ր մեզ,

որպեսզի քո օրինակով և քո օգնությամբ զորացած՝

կարողանանք ապրել սրբությամբ,

մեռնել բարեպաշտությամբ

և հավիտենական երանությունը ստանալ Երկնքում.

Ամեն:

Վերցված է « Աղօթագիրք. Մեծացուսցէ անձն իմ զՏէր » հատորից։

Կազմեց եւ ծանօթագրեց՝ Տ. Յովսէփ Քհնյ. Գալստեան, Գիւմրի - Հայ Կաթողիկէ Առաջնորդարան 2021, էջ 119.

Կայքին օգնելու համար կարող եք դիտել / ունկնդրել այս տեսանյութը։

Շնորհակալություն կանխավ։