« ՆՄԱՆՎԻՐ ԱՍՏԾՈ ԿԱՏԱՐԵԼՈՒԹՅԱՆԸ »

Սբ. Սիմեոն Նոր Աստվածաբան (մոտ 949-1022). « Օրհներգություններ », 42 (SC 196).

[...] Բանը^(*)՝ Աստված Աստծուց, հավիտենակից է Հոր և Որդու հետ, և միևնույն կերպով՝ իմ հոգին Իր պատկերով է։ [...]

Երբ լավ մաքրագործված կլինես և դարձած կլինես մի կատարյալ պատկեր, չես տեսնի Բնօրինակին, Նրան չես հասկանա, եթե Ինքը չհայտնվի քեզ Սուրբ Հոգու միջոցով։ Քանի որ Հոգին ուսուցանում է ամեն բան, պայծառ փայլելով անասելի լույսի մեջ, և քեզ իմացական եղանակով ցույց կտա բոլոր իմացական իրականությունները, այնքան՝ որքան դու կարող կլինես տեսնելու դրանք, այնքան՝ որքան որ հասանելի է մարդուն, քո հոգու մաքրության չափով, և կդառնաս Աստծո նման՝ ճշգրիտ կերպով նմանվելով Նրան Իր գործերի մեջ՝ չափավորության, արիության ու մարդասիրության, [...] և սիրելով քո թշնամիներին։

Որովհետև սա՛ է մարդասիրությունը. բարիք անել քո թշնամիներին և նրանց որպես ընկերներ համարել, որպես ճշմարիտ բարեգործներ. աղոթել բոլոր նրանց համար, ովքեր քեզ չարիք են մաղթում, և անկեղծ սեր տածել բոլորի՝ բարիների ու չարերի հանդեպ, միևնույն ձևով. և ի վերջո, տալ սեփական կյանքը բոլորի համար, ի նկատի ունեմ՝ նրանց փրկության համար, որպեսզի նրանցից մեկն անգամ կարողանա փրկվել, կամ նաև բոլորը, եթե հնարավոր է։

Սա՛, որդիս, Վարդապետին նմանվող կդարձնի քեզ, և քո մեջ տեսանելի կդարձնի Արարչիդ պատկերը, և դու ամեն ինչի մեջ կնմանվես Ինքնին Աստծո կատարելությանը։ [...]