ԸՆԾԱՅՈՒՄ ՄԻՔԱՅԵԼ ՀՐԵՇՏԱԿԱՊԵՏԻՆ
-
01
-
- 02
- 03
- 04
- 05
- 06
- 07
- 08
- 09
- 10
- 11
Հրեշտակային Նվիրապետությունների ազնվագույնդ Իշխան, Բարձրյալի քաջարի մարտիկ, Տիրոջ փառքը եռանդագին սիրող, ապստամբ հրեշտակների ահ ու սարսափ, բոլոր արդար Հրեշտակների մտերիմ և բերկրանք, իմ շա՜տ սիրելի Սուրբ Միքայել. ես կամենալով լինել քեզ բարեպաշտների և քեզ սպասավորողների թվում, այսօր իմ անձը քեզ եմ ընծայում որպես այդպիսին. քո հզոր պաշտպանությանն եմ հանձնում իմ անձը, իմ ընտանիքը և ինձ պատկանող ամեն բան:
Համեստ է ընծան, որ նվիրում եմ քեզ, քանի որ ես մի խեղճ մեղավոր եմ: Բայց դու բարեհաճությամբ ընդունիր իմ սրտի գորովը քո հանդեպ, և քանի որ այսօրվանից ես այլևս գտնվում եմ քո պաշտպանության ներքո, օգնական եղիր ինձ ողջ կյանքիս ընթացքում և Աստծուց ներում հայցիր իմ բազմաթիվ ու ծանր մեղքերին: Ստացիր իմ համար շնորհը՝ սրտանց սիրելու իմ Աստծուն, իմ թանկագին Հիսուս Փրկչին և իմ քաղցր Մայր Մարիամին. և իմ համար հայթայթիր այն օգնությունները, որոնք ինձ հարկավոր են փառքի պսակին հասնելու համար: Միշտ պաշտպանիր ինձ իմ հոգու թշնամիներից, հատկապես կյանքիս վերջին պահին: Երբ կհասնի իմ այդ վերջին պահը, ե՛կ, ո՜վ փառահեղ Իշխան, զորավիգ լինելու ինձ այդ վերջին գոտեմարտում, և քո հզոր զենքով ինձնից հեռու վանիր և դժոխքի անդունդներում շղթայիր այն օրինազանց ու հպարտ հրեշտակին, որին մի օր հաղթեցիր Երկնքում:
Ամեն:
Սուրբ Միքայել Հրեշտակապետ, պաշտպանիր մեզ հոգևոր պատերազմում, որպեսզի չդատապարտվենք վերջին դատաստանում: Ամեն: