Խնդրագրեր են հասնում ամեն կողմից
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Հայրենի հողի վրա հազիվ էր հասել Մխիթարի Միաբանության համբավը, երբ ամեն կողմից սկսեցին հասնել գանգատների ձայներ, հուսահատ հառաչանքներ, տառապանքի ու թշվառության արձագանքներ, խավարի ու վտանգի մեջ խարխափող հոգիների աղերսանքներ, որոնք ի մի ձուլվելով՝ կազմում էին Ազգի ամեն տեսակ ցավերի մարմնացումը, վիրավոր ու անապաքեն Հայրենիքի աղերսող ստվերը, որը Մխիթարին հաճախ երևալով, ասում էր. «Անցեալ ի Հայս, օգնեսցես մեզ»: Այդ ձայներից մի քանիսը լսենք նաև մենք, նույն ժամանակի ցավալի կացության շուրջ որոշակի գաղափար ունենալու համար:
Տրապիզոնի քահանաները միաբան գրում էին Մխիթարին. «Չունենք մի բարի հովիվ, որ մեզ խրատի իր խոհական խոսքերով ու քարոզներով: [...] Դրա համար բոլորս՝ եկեղեցականներ և իշխաններ միացած, խնդրում ենք, որ մեր մոտ ուղարկեք ձեր վարդապետներից մեկին, որպեսզի խոհեմ քարոզիչ և խոստովանահայր լինի» (1713 Սեպտեմբեր 9): Նույն անձինք մի ուրիշ անգամ դարձյալ գրում էին Մխիթարին. «Գերապատվությանդ ծանուցում ենք մեր քաղաքի որպիսությունը, որովհետև հոգևոր իմաստով մեծ խեղճության մեջ ենք գտնվում. չունենք մի այնպիսի վարդապետ, որ մեր բոլոր հոգևոր պետքերը հոգա, լինի վստահելի ու նվիրյալ. այդ իսկ պատճառով, ահա երկար ժամանակ է արդեն, որ առանց խոստովանության ենք մնացել, և օրեցօր սպառվում է մեր ջերմությունը և խոպանացած երկիր ենք դառնում: [...] Ուստի, իմանալով, թե որքան մեծ սեր ես տածում մեր Ազգի հանդեպ, խնդրում ենք, որ միաբաններիցդ մեկին ուղարկես, որպեսզի գա մեր քաղաքում քարոզելու և մեր հոգու ծարավը հագեցնի ճշմարիտ քարոզությամբ» (1726 Հուլիս 3):
Գաղատացի կաթողիկեները հետևյալ խոսքերով էին նկարագրում իրենց վիճակը. «Մեր ներկա կացությունն այս է. չունենք մի առաջնորդ, մեր մեջ չկա կաթողիկե քահանա, ուստի զուրկ ենք հոգևոր ամեն տեսակ մխիթարությունից: Հազիվ երկու կամ երեք տարին մեկ է պատահում, որ ուրիշ քաղաքներից մի քանի կաթողիկե քարոզիչներ կամ խոստովանահայրեր են գալիս, տասնհինգ կամ քսան օր մնում են մեր մոտ, մեր հոգևոր պետքերը լրացնում ու հետո գնում են: Եթե ուզում եք մեր թիվն իմանալ, ասենք, որ մենք գրեթե երեք-չորս հարյուր հոգի ենք, ազնվականներն ու ռամիկները միասին վերցրած: Հինգ տարուց ի վեր կաթողիկե քահանայի երես չենք տեսել, բայց գրով կամ խոսքով իմացանք, թե չպետք է Հայոց եկեղեցիները գնանք: Այստեղ՝ մեր քաղաքում, կաթողիկե եկեղեցի չկա. արդ, ինչպե՞ս և ո՞վ պիտի անի մեր պսակն ու մկրտությունը, եթե նրանց եկեղեցին չգնանք. Պատարագ պիտի չտեսնե՞նք կիրակի և տոն օրերին, եթե արգելված է նրանց եկեղեցին գնալ[1]: Հակառակորդները զայրացել են, ամեն առիթով նախատում ու բամբասում են մեզ, մեր երեսին ասելով, թե Հրյաներն իրենց ժողովարանն ունեն, Տաջիկներն՝ իրենց մզկիթները, Հայերը, Հոռոմներն ու Ֆռանկները՝ իրենց եկեղեցիները, բայց դուք ի՞նչ ազգ եք և ի՞նչ դավանանքի, որ եկեղեցի անգամ չունեք: Ահա այսպես, խեղճության մեջ տվայտվում ենք. ամեն կողմից մահ, տանջանք, սպառնալիք» (1717 Հունիս 30):
Միևնույն տարվա մեջ, այդ նույն բողոքն ու հառաչանքը լսում ենք նաև Բուրսացիներից. «Չունենք մխիթարություն, չունենք ամենևին սրտի հանդարտություն. ո՛չ Պատարագ ենք տեսնում, ո՛չ խրատ կամ քարոզ ենք լսում, և որ ամենացավալին է, տարիներ են արդեն, որ չենք խոստովանվում. շատերը քաղաքից քաղաք են թափառում խոստովանահայր գտնելու համար, շատերն էլ գերեզման են մտնում մեղքերով ծանրաբեռնված և խղճի խայթերով տանջված: Երբեմն հինգ կամ վեց տարին մի անգամ, իսկ երբեմն էլ՝ ավելի ուշ, մեկ կամ երկու կաթողիկե քահանա պատահաբար անցնում են մեր քաղաքով և խոստովանեցնում են: [...] Ժանտամահն էլ պակաս չէ մեր միջից: Կարող եք երևակայել, թե ինչպիսի անմխիթար կյանք ենք վարում: Հակառակորդները հարձակվում են մեր վրա, նեղում են, սպառնալիքներով ստիպում, որ իրենց եկեղեցին գնանք, ապա թե ոչ՝ դատավորի ձեռքն են մատնում մեզ: [...] Արդ, մեր ավաղելի վիճակի մասին քիչ թե շատ տեղեկություն ունենալով, արտասվագին խնդրում ենք, որ մեզ քարոզիչներ և խոստովանահայրեր ուղարկեք» (1717 Սեպտեմբեր 20):
[1] Ինչպես արդեն տեսանք, Մխիթարը դեմ էր այդ արգելքին, որ հարուցում էին ոմանք: Ընդհակառակն, Մխիթարն իր Հռոմում գտնված ժամանակ գրավոր հայտնեց իր համոզումը Սրբազան Քահանայապետին և Ծիրանավորների Ժողովին, երբ վերջիններս կամեցան լսել իր հեղինակավոր կարծիքը: