Դ. Մարիամի Վերափոխումը Երկինք
- 01
- 02
- 03
- 04
- 05
-
06
-
-
07
-
- 08
- 09
- 10
- 11
Այս ուսմունքը հաստատում է, որ Մարիամը վերափոխվել կամ տեղափոխվել է Երկինք՝ հոգով և մարմնով (վերափոխվել = փոխվել, տեղափոխվել դեպի վեր):
Կաթողիկէ Եկեղեցու Քրիստոնեականի 966-րդ կետում կարդում ենք. «Անարատ Կույսը, ազատ պահվելով սկզբնական մեղքի ամեն տեսակ աղտից, երբ ավարտեց իր երկրային կյանքի ընթացքը, մարմնով և հոգով տարվեց երկնային փառքի մեջ և Տիրոջ կողմից բարձրացվեց որպես Թագուհի ամենայնի»:
Պիուս Տասներկուերորդ Պապը Աստվածամոր Վերափոխման մասին խորհրդածում է իր «Աստվածածին Կույս Մարիամը» («Deiparae Virginis Mariae», 1946թ.) նամակում, և այս ճշմարտությունը դոգմա է հռչակում իր«Ամենաառատաձեռն Աստված» («Munificentissimus Deus», 1950թ.) առաքելական սահմանադրությամբ: Նա, ուսումնասիրելով Սուրբ Կույսի Վերափոխման մասին Ընդհանրական Եկեղեցու բոլոր համայնքներում պատմականորեն գոյություն ունեցող հավատքն ու համոզմունքները, ծիսական սովորությունները, որոնք ի մի էին հավաքել կաթողիկէ եպիսկոպոսները, և հիմնվելով նրանց մեծամասնության աջակցության վրա, կատարեց այդ դոգմատիկ ձևակերպումը:
Եկեղեցու Վարդապետական Ուսուցման և Ծեսի համաձայն, Մարիամը Վերափոխումից առաջ մահացավ, բայց նրա մարմինն ապականություն չտեսավ: Այս ուսմունքը հիմնվում է հնագույն ավանդությունների վրա՝ Առաքելական ժամանակներից: