« ՈՉ ՈՔ ՉԿԱՐՈՂԱՑԱՎ ՆՐԱ ՎՐԱ ՁԵՌՔ ԴՆԵԼ, ՈՐՈՎՀԵՏԵՎ ՆՐԱ ԺԱՄԸ ԴԵՌ ՉԷՐ ՀԱՍԵԼ »
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
Որոգինես Ադամանցիուս Ալեքսանդրիացի (մոտ 185-253). « Հովհաննեսի Ավետարանի մեկնություն », 19, 12 (PG 14, 548).
[...] Հիսուսին փնտրելը մեծավ մասամբ կատարվում է ինչ որ մի բարիք ստանալու նպատակով, քանի որ դա նշանակում է փնտրել Բանին(1), ճշմարտությունն ու իմաստությունը։ Բայց կասեք, որ «Հիսուսին փնտրել» խոսքերը երբեմն ասված են նրանց վերաբերյալ, ովքեր չարիք են կամենում Նրան։ Օրինակ. «Փորձեցին(2) ձերբակալել Նրան, բայց ոչ ոք չկարողացավ ձեռք դնել Նրա վրա, որովհետև Նրա ժամը դեռ չէր հասել» (Հվհ 7, 30)։ [...]
Նա գիտի, թե ումի՛ց է հեռանում և ո՛ւմ կողքին է մնում, երբ չի թողնում գտնել Իրեն, որպեսզի Իրեն փնտրելով՝ նպաստավոր պահին գտնենք Իրեն։ Պողոս Առաքյալն ասում է նրանց, ովքեր տակավին չեն գտել(3) Հիսուսին և դեռևս Նրա վրա չեն ուղղել իրենց հայացքները. «Մի՛ ասա քո սրտում. "Ո՞վ կարող է բարձրանալ երկինք"։ Սա նշանակում է այնտեղից վար իջեցնել Քրիստոսին։ Եվ կամ. "Ո՞վ կարող է իջնել վիհերի խորքը"։ Սա նշանակում է Քրիստոսին կրկին վեր բարձրացնել մեռելներից։ Ի՞նչ է ասում, ուրեմն, Գրվածքը։ "Քեզ մոտիկ է խոսքը, քո բերանի վրա է և քո սրտի մեջ"» (Հռմ 10, 6֊8)։
Երբ Տերն ասում է. «Դուք ինձ փնտրելու եք» (Հվհ 8, 21), մարդկանց հանդեպ տածած Իր սիրո համաձայն՝ նշմարել է տալիս Աստծո Արքայության իրողությունները, որպեսզի նրանք, ովքեր այն փնտրում են, այն չփնտրեն իրենցից դուրս, ասելով. «Ահա՛ այստեղ է, կամ. Ահա՛ այնտեղ է»։ Ավետարանը նրանց ասում է. «Աստծո Արքայությունը ձեր մեջ է» (Ղկս 17, 21)։ Քանի դեռ պահում ենք մեր հոգու մեջ պահ դրված ճշմարտության սերմը, և Իր պատվիրանները, Բանը չի հեռանում մեզնից։ Մինչդեռ, եթե չարը տարածվի մեր մեջ՝ ապականելով մեզ, Հիսուսը մեզ կասի. «Ես գնում եմ, և դուք փնտրելու եք ինձ, բայց մեռնելու եք ձեր մեղքի մեջ» (Հվհ 8, 21)։ [...]
