Վենետիկ։ Քահանայական ձեռնադրությունը (1535-1537)
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
1535 թվականին Իգնատիոսը ծանր կերպով հիվանդացավ։ Նա ստիպված էր լքել Փարիզը և վերադառնալ Իսպանիա։ Որոշ չափով ապաքինվելուց հետո, նա ոտքով գնաց Վենետիկ և այնտեղ հասավ 1535 թվականի վերջին։ Այստեղ, սպասելով ընկերներին, նա շարունակեց աստվածաբանության ուսումը։ Մյուսները Փարիզից ժամանեցին 1537 թվականի Հունվարի 18-ին։ Տարվա այդ եղանակին Վենետիկի ու Պաղեստինի միջև հաղորդակցություն չկար, և ավելի բարենպաստ օրերի ակնկալիքով՝ նրանք բոլորը որոշեցին աշխատել քաղաքի հիվանդանոցներում։ Այդ ժամանակ իրենց խմբին միացել էին ևս հինգ հոգի։ Ապա բոլորով մեկնում են Հռոմ և ներկայանում Ն.Ս. Պողոս Երրորդ Քահանայապետին։ Սրբազան Պապը գովում է նրանց նախաձեռնությունը և թույլատրում է քահանա ձեռնադրվել։ Վերադառնալով Վենետիկ, այդ նույն տարվա Հունիսի 24-ին, Առբեի եպիսկոպոսի ձեռամբ Իգնատիոսն ու իր ընկերները ձեռնադրվեցին քահանա։
