« ՎԿԱՅԵԼ ՃՇՄԱՐՏՈՒԹՅԱՆԸ »
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
- 19
- 20
- 21
Սբ. Կատարինե Սիենացի (1347-1380). « Նամակ 25, Կարդինալ Պիետրո Դի Լունային ».
[...] Քրիստոսի՝ քաղցր Հիսուսի մեջ պատվագույն և շատ սիրելի Հայր, ես՝ Կատարինես, Հիսուս Քրիստոսի ծառաների աղախինս ու ստրկուհիս, գրում եմ Ձեզ Իր թանկարժեք Արյան մեջ, փափագելով տեսնել, որ Դուք անկեղծորեն սիրում եք քաղցր ճշմարտությունը։ [...]
Այդ Արյան մեջ է, որ ճանաչում ենք ճշմարտությունը՝ Ամենասուրբ Հավատքի լույսի ներքո, որով լուսավորվում է մտքի տեսողությունը։ Այնժամ հոգին բոցավառվում ու սնվում է այս ճշմարտության սիրո մեջ. և ի սեր ճշմարտության՝ կնախընտրեր մեռնել, քան թե մոռացության մատնել ճշմարտությունը։
Այն չի լռում ճշմարտությունը, երբ խոսելու ժամանակն է, քանի որ չի վախենում աշխարհի մարդկանցից. չի վախենում կյանքը կորցնելուց, քանի որ տրամադիր է տալու այն հանուն ճշմարտության սիրո։
Միայն Աստծուց է վախենում։ Ճշմարտությունը բարձր ձայնով է հանդիմանում, որովհետև ճշմարտությունն իրեն որպես ընկեր ունի սուրբ արդարությանը, որը մի թանկարժեք մարգարիտ է, որ պետք է փայլի յուրաքանչյուր բանավոր արարածի մեջ։ [...] Ճշմարտությունը լռում է, երբ լռելու ժամանակն է. և լռելով՝ աղաղակում է համբերության ձայնով, քանի որ գիտի, չի անգիտանում, այլ՝ կշռադատում և ճանաչում է, թե որտե՛ղ է գտնվում Աստծո պատիվն ու հոգիների փրկությունը։ Ո՜վ հույժ թանկագին Հայր, բոցավառ սիրով հետևեցեք այս ճշմարտությանը։ [...]
Խնդրում եմ Ձեզ, ի սեր Խաչյալ Հիսուսի և հանուն անուշ Արյան՝ հոգու այդքա՜ն ջերմ մղմամբ հեղված, որ դառնաք ճշմարտության փեսան, կատարելու համար Աստծո կամքը Ձեր մեջ և իմ հոգու իղձը, որ ուզում է տեսնել, թե ինչպե՜ս եք իսպառ սիրում ճշմարտությունը։
Ավարտելով. մնացե՛ք Աստծո սուրբ ու անուշ սիրո մեջ։
Ո՜վ քաղցր Հիսուս, ո՜վ սեր Հիսուս։